حرص محمد عبدالوهاب على التعليق على الأزمة الجديدة لشقيقته الفنانة شيرين عبدالوهاب والتي تستغيث فيها من زوجها السابق المطرب حسام حبيب .
وعلق محمد عبد الوهاب، عبر صفحته على فيسبوك، قائلا:يا شيخة والله ربنا ياخدنا بقى عشان نرتاح من القرف ده، كفايه بقى أقسم بالله قرفنا والناس قرفت واشمئزيت منكم”.
وتابع، واصفا قصتها مع حساب حبيب:”أقذر قصة عرفتها البشرية والله، حسبي الله ونعم الوكيل فيكم انتو الاتنين”.
جاء تعليق شقيق المطربة شيرين عبد الوهاب، عقب نشر تصريحات صحفية منسوبة للمطربة، تستغيث فيها من زوجها السابق حسام حبيب، و تتتمه فيها بسرقة مصوغات ذهبية، وابتزازها ماليا.
تحدثت النجمة شيرين عبد الوهاب عن سبب عودتها باستمرار للفنان حسام حبيب رغم خلافاتهما المستمرة.
قالت شيرين عبد الوهاب: “الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي”، حسب تصريحاتها الصحفية.
وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.
وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.
واستكملت شيرين عبد الوهاب: أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي.
واتهمت شيرين عبد الوهاب طليقها حسام حبيب بسرقتها، قائلة: “على مدار 6 سنوات لم أتقاضَ منه أي شيء ولم أحصل على أموال تلك الحفلات العديدة التي أقامتها، معرفش أي حاجة عن حساباتي، وكمان كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا وخد دهبي كله مني.
تابعونا على صفحات موقع الحكاية الرسمية
Elhekayah TV – تليفزيون الحكاية
