مانشيت الحكايةهام
إحنا بخير والأمور ماشية كويس.. والست المصرية مثال عالي وراقي| أبرز تصريحات السيسي لـ” من مصر”
أجرى الرئيس عبد الفتاح السيسي، مداخلة هاتفية ببرنامج “من مصر”، والمذاع عبر قناة “cbc”، مؤكدًا أن مصر لديها احتياطي مناسب من السلع الأساسية لمواجهة أية تطورات أو أزمات عالمية، وتابع:” خلوا الناس الطيبة تدعى إن ربنا يفرجها علينا ولما يفرجها علينا هنفرجها على الناس كلها مش هنسيب حد”.
وإليكم أبرز تصريحات الرئيس خلال المداخلة الهاتفية..
- مصر لديها احتياطي مناسب من السلع الأساسية يواكب أي تطورات أو أزمات عالمية من الممكن أن تحدث.
- الأمور تسير بخير والأساسيات المطلوبة بخير.
- ربنا وحده اللى يعلم إحنا بنعمل ده مع الناس كلها، ما نسيبش حد محتاج أو محووج بس إحنا ظروفنا صعبة أوى.
- الدولة عندنا تكافل وكرامة داخلة في 3.7 مليون أسرة.
- بنحاول نزود أكثر وفى إجراءات هتُعلن خلال اليوميين الجايين خاصة بإجراءات حماية اجتماعية أخرى لمواجهة تطورات عالمية أخرى ليست خاصة بنا ولكن تأثيرها علينا.
- الصوامع بتحافظ على حوالى من 15 إلى 20 % من القمح.
- عملنا حاجة آدمية ما فيش قوارض ولا حشرات ولسه بنعمل صوامع تانى.
- هنتوسع فى زراعة القمح خلال السنتين حوالى مليون فدان.
- الست المصرية دايما مثل عالى وراقى.
- ربنا سبحانه وتعالى وفق الست محروسة وخلاها تبقى راضية.
- ربنا يحميكى ويعينك ويراضيكى ويعوض عليكى ودعواتك الطيبة لينا من فضلك.
- السيدة محروسة تحدت تحديات كبيرة فى حياتها وولادها اللى بتتعلم وزوجها المريض وتحدت ظروفها الصعبة.
