كشفت النجمة دينا عن تفاصيل تربية ابنها الوحيد بمفردها بعد وفاة والده المخرج سامح الباجوري ، وذلك في تصريحات تلفزيونية.
قالت دينا في تصريحات لبرنامج الستات : “كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست”.
وأشارت: أما في حالات الانفصال، وإيه اللي خلاه مش موجود؟ ما ياخد أولاده خميس وجمعة يربيهم؟ هو مش عايز يبقى موجود لو عايز أهلا وسهلا”.
https://www.facebook.com/watch/?ref=embed_video&v=1900376143749988
وأكملت:” ياخد الولاد يربيهم يشوف إيه اللي حاصل طول الاسبوع ويقومهم في اليومين، عدم وجود الأب صعب جدا، وصعبة على الأم، ودوما أنصح صديقاتي ماتطلقيش ولادك لما يوصلوا 12 سنة مش هتقدري عليهم”.
وتابعت: “أنا أم صارمة جدا، ابني مش مرفه، ومحطتوش في سكة إنه يبقى مرفه، خليته يعتمد على نفسه، لأن أنا بعتمد على نفسي لحد انهاردة، وأنا معملتلوش أنا عملت لنفسي، هو يعمل لنفسه”.
وأضافت:” ومايبقاش بني آدم؟ يبقى تابع؟ لو أنتِ بتربي كدة يبقى (في الفسكونيا)، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم خياته، وهو يمتلك ملايين، لازم يتعلموا يعمل حياته ومسقبلة”.
وتحدثت عن ابنها قائلةً: “ابني بقى شبهي غصب عنه لأنه عايش طول عمره معايا، وحب المطبخ عشان أنا بحب المطبخ، وعندما قرر دراسة الطبخ كنت عايزاه يدرس إدارة أعمال (بيزنس) وبعدها ياخد كورسات طبخ”.
وواصلت: (هو حضرتك لما قولتي لأهلك عايزة ارقص وافقوا؟) قولت له (لا)، وقال لي (أنت نجحتي في إيه؟)، قولت له (الرقص)، قال لي (ممكن تسبيني أدرس طبخ).. سكت وقولت له (اتفضل)”.
وأختتمت: “أذنه موسيقية رائعة، عندما أرقص معه ينفذ الخطوات في 3 ثوان، لكنه لا يحب العمل في الفن، وأنا السبب، لأنه شافني بتعب أد ايه، فقال لي لا لا أنا عايز اشتغل حاجة 5 أيام ويومين أجازةٍ”.
تابعونا على صفحات موقع الحكاية الرسمية
Elhekayah TV – تليفزيون الحكاية
