انتصار: مبكررش أدواري ودايما كاسرة التابوهات

تحدثت الفنانة انتصار عن سعادتها الشديدة، بتقديم برنامج “من غير نفسنة”مع كل من الفنانة بدرية طلبةونوليا، على شاشة “هي”.

وقالت انتصار: أنا مبحبش التكرار، وبحب أنوع في أدواري، وكل جوائزي اللي أخدتها في عمري التمثيلي، وإن شاء الله يبقى مديد ومديد ومبكررش أدواري ودائمًا كاسرة التابوهات بتاعت التكرر، وأنا دلوقت بكرر نفسي ساعات في حاجات بتلزق مبتطلعش وبتجري في دمك، من كتر ما بقت في حضني وبقت لزقة زي البرنامج ده.

واستكملت انتصار حديثها:عدوك أبن كارك اللي بيعمل لطيف، وبيعمل بيضحك دايمًا وبيجبلك فطار معاكي الصبح ويقولك اللبس ده هياكل منك حتة تاخدي الخاتم ده تلبسيه وبعد أول مطب صغير ينكشف، اعرفوا الناس من كلامهم، ومش اي حد تقول صاحبك وتدخله بيتك، متقعدش تهزر على عيوبي وتتصيد لاخطائي.

برنامج “من غير نفسنة” تقدمه كل من الفنانة انتصار وبدرية طلبة ونوليا، يعرض يوميًا من السبت إلى الثلاثاء على شاشة “هي”، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

انتصار

ولدت في الإسكندرية، بدأت مسيرتها في عام 1991 وذلك من خلال المشاركة بالأعمال السينمائية والتلفزيونية، شاركت في بعض العروض المسرحية في الجامعة وكونت بفترة قصيرة شهرة وشاركت بأدوار عديدة منها ثانوية، إلى بدايتها الحقيقة في مسلسل راجل وست ستات من خلال شخصية سناء وذلك لعشرة أجزاء، وهي حاصلة على بكالوريوس التجارة من جامعة الإسكندرية.

أعمالها
أفلام
المقامر.
قليل من الحب كثير من العنف.
كرسي في الكلوب.
سحر العيون.
ولا في النية أبقى.
حلق حوش.
الأيام الصعبة.
واحد صفر.
شعبان الفارس.
الحي الشعبي.
شبه منحرف.