علق الفنان باسم سمرة، رأيه في السوشيال ميديا، وأسباب عدم ظهوره في البرامج التلفزيونية ووسائل الإعلام بشكل متواصل.
وأضاف سمرة، من خلال لقائه ببرنامج “أسرار النجوم”، المذاع عبر راديو “نجوم إف إم”، إنه لا يحب الظهور بشكل دائم في وسائل الإعلام إلا إذا كان سيتحدث عن عمل فني معين، لافتا: “أنا بحب أظهر لما يكون في حاجة أتكلم عنها زي ما أنا بتكلم دلوقتي عن مسلسل العتاولة، أنا معرفش أظهر من غير سبب”.
وتابع قائلا: “أنا مش بحب أظهر كتير في الإعلام والبرامج ومليش أوي في السوشيال ميديا، رغم أني عندي حسابات على منصات التواصل الاجتماعي لكن من يديرها أدمن خاص بي، وأنا مش متواصل عليها بشكل كبير”.
ولفت باسم سمرة عن رأيه في السوشيال ميديا،: “السوشيال ميديا قلبت لجان.. ممكن بالفلوس تخلي الناس تقول كلام هو مش حقيقي يتكلموا عن الفن والأداء بشكل عظيم، وكل ما تدفع أكتر هيتقال كلام حلو أكتر، لكن المرأة الحقيقية للفنان هي الجمهور والمتلقي، وأنا مش محتاج أقول أنا كويس ولا وحش، الجمهور هو اللي بيحكم في الآخر”.
