تحدث المطرب المعروف طارق الشيخ عن رأيه في أغاني المهرجانات وما يتم تقديمه خلالها من كلمات مشيرًا إلى ان مكانها هو سلة القمامة.
وصرح طارق الشيخ في لقاءه مع “رؤيا مصر” بـأن: “المهرجانات دي تلمها على بعضها كده وأقرب صفيحة زبالة تحطها فيه، أنا احترم اللي بيكتب كلمة كويسة ويغني كلمة كويسة متدنيش إسفاف متدنيش كلمة بمعنايين معنى كويس ومعنى وحش، الناس هتروح على المعنى الوحش وشغل المهرجانات تريند وبس مش فارق معاه بيغني إيه”.
وتابع : “المهرجانات تكسبك فلوس بس بعد كده عشان تطلع منها هتعاني”.
وتطرق خلال اللقاء إلى الفنان الذي يحلم بتقديم دويتو معه وقال: “نفسي أعمل دويتو مع حمزة نمرة هو في حته وأنا في حته هيكون في ميكس بيني وبينه، لما يبقى اتنين شعبين مع بعض هنخبط في بعض، أنا صوته بيعجبني”.
و عن مقارنته بالفنان عبد الباسط حمودة قال: “عبد الباسط قبل مني في الشغلانة وهو محافظ على نفسه في مكانه، أنا مش بغير من نجاحه، الغيرة غيرة شغل مش غيرة نجاح إنت عملت حاجة حلوة عجبتني لازم أعمل حاجة أحسن وهو كذلك، عبد الباسط وحكيم هما الأنجح في الجيل”.
وتحدث عن رأيه في رضا البحراوي وعمر كمال قال طارق لشيخ: “في فرق بين اللي بيأدي وبيغني، رضا البحراوي على راسي من فوق لو أديته حاجة هيغنيها الباقي مش هيغنيها هيأديها، ورسالتي ليه أوعى تشغل بالك بحد أشغل بالك بنفسك بس وفكر في أغاني لنفسك”.
موضوعات ذات صلة
تفاصيل حفلات طارق الشيخ وحسن شاكوش في الساحل الشمالي
تابعونا على صفحات موقع الحكاية الرسمية
Elhekayah TV – تليفزيون الحكاية
