هنأ الرئيس عبد الفتاح السيسي، الأخوة الأقباط بعيد الميلاد المجيد، عقب وصوله كاتدرائية ميلاد المسيح بالعاصمة الإدارية الجديدة.
وقال الرئيس السيسي، في كلمة له من داخل الكاتدرائية: “كل سنة وانتم طيبين جميعا وعيد سعيد عليكم وعلينا جميعا ويا رب السنة دي تبقى سنة خير وسلام ومحبة علينا كلنا مش بس في مصر.. في العالم كله”.
وأضاف الرئيس السيسي قائلا: “أنا عارف إن النهاردة مناسبة جميلة وسعيدة وكان المفروض أقول كل سنة وانتم طيبين وأدي الفرصة لقداسة البابا، وخلونا أوجه كل التقدير والاحترام والاعتزاز لقداسة البابا ولكم”.
وقال الرئيس عبد الفتاح السيسي، إنه يرى أن الناس تشعر بالقلق في مصر، وتشعر بالخوف، مضيفا: “مش هقول أن الخوف غير مبرر، بس احنا مش بنخبي عليكم حاجة، ولو سمحتم يا كل المصريين، أنا في كل مناسبة بتكلم وأقول الحكاية، عشان تبقوا عارفينها”.
وتابع: “متديش ودنك لحد مش مسئول، كل واحد يعرف على قده، موظف ومدير واللي بعده، لحد ما نوصل لأعلى منصب، يعني حد هيعرف زي قداسة البابا في شئون الكنيسة؟ أكيد لا”.
قال الرئيس عبد الفتاح السيسى: محتاجين دايما فى كل مناسبة نؤكد أننا واحد ولا يوجد شكل من أشكال التفرقة بيننا.
وأضاف الرئيس السيسى: أسمعوا كلامى.. هذا الكلام ليس لكم بل لينا كلنا، فكلامى لكل الناس.
