كتبت -شروق حجازي
المواهب لا تقدر بثمن ، وتجعلك تعطي بكل حُب وتخرج عملاً عظيمًا، وخصوصًا إذا كانت تلك الموهبة في التصوير .
اقرأ المزيد..عمر إسماعيل صاحب فكرة جروب Trendat couple: تمت من خلال الجروب 111 خطوبة
لميس حامد حافظ خريجة فنون جميلة اسكندرية قسم جرافيك في حوار مع الحكاية تحدثنا عن بداية إتقانها التصوير.
قالت لميس :” اكتشفت شغفي في التصوير بعد أول سنه دراسه في الكلية ، ابتديت اجرب أنواع كتير من التصوير زي تصوير الشارع او المناظر الطبيعية، البورتريه، تصوير البورتريه ( الأشخاص) هو اكتر نوع تصوير حبيته وبدأت ادرسه اكتر مع نفسي”
وأكلمت:” بقيت اصور بالموبايل كل حاجه قدامي لحد مالاقيت صوري بتتنشر وتتاخد لقنوات وصفحات كبيره زي قناه الحياه وصدي البلد “.
و أضافت :” بقيت اجرب اصور اخواتي وصحابي والناس القريبه مني وانزل الصور ع الجروب المخصصه للتصوير بالموبايل ، ولقيت الصور بيكون عليها ريتش عالي ودا شجعني جدا على الموضوع اني اكمل”.
واستطردت لميس قائلة :” شركة شاومي كلمتني اني اكون من ضمن تيم الفوتغرافر الخاص بالشركة ودي كانت خطوه مهمه جدا وفرقت معايا كتير في حياتي بأني اجرب اصور بأمكنيات موبايلات مختلفه وبطلع نفس الجوده العاليه للصور وان الصور يتعملها سبونسرد على صفحه شاومي .
وأضافت :” دكتور عندي في الكليه شاف البوست السبونسرد دا وعرفني بس مكنش يعرف ان الصور دي انا اللي مصوراها الا من خلال البوست لان كان معمولي منشن فيه وكلمني هو ورئيسه قسم الجرافيك عشان أدي محاضره في الكليه عن اساسيات التصوير وان ممكن ازاي حد يبدأ تصوير بالموبايل اللي معاه مش شرط انه يجيب كاميرا بسعر عالي عشان يطلع صور حلوه وان الموبايل اللي معاه مهما كانت امكانياته قادر انه يستغلها ويطلع صور كويسه “.
وقالت لميس : تلقيت الدعم من أهلي خصوصاً بابا كان بينزل معايا مخصوص في اي مكان عايزه اصور فيه عشان يخلي باله مني خصوصا لو وقت الصبح بدري وكدا “.
وأضافت :” لتصوير موهبه لكن لو محدش اشتغل عليها مش هيتقدم عكس واحد معندوش الموهبه بس قرر أنه يتعلم التصوير هيكون افضل من اللي عنده موهبه ومش بينميها”.
وتحدثت عن الصعوبات اللي واجهتها قائلة :” بعد فتره من التدريب مع نفسي في التصوير هو ان قررت اخد مقابل مادي على دا والناس ماكنتش مقتنعه تماما انه دا تصوير موبايل يعني تاخدي فلوس ليه دي مش كاميرا “.
واستكملت: “مع ان الموضوع مالوش علاقه تماما بالاداه اللي بتصوري بيها او امكنياتها ، الفكره في عين المصور واستخدامه للي معاه ويقدر يطلع ايه من الاداه اللي بيصور بيها”.
وقالت لميس :” ردي علي الكلام ده هو اني اشتغلت ع نفسي اكتر ف اني اصور صور غير تقليديه بافكار مختلفه تجذب الناس وانها تشوف جوده وفكره والوان صوره تخليهم مايصدقوش ان دي بموبايل عادي امكنياته متوسطه مش كاميرا ولا ايفون “.
وتابعت: زي مثلا اني اصور في محطه مصر او في الترام او متاحف او في الشوارع العامه عادي وفعلا قدرت اعمل دا والناس اتقبلت فكره انه عادي تدفع فلوس لسيشن هيتعمل بالموبايل بعد ماشافوا الصور اللي انا مطلعاها المهم انهم يتصورو صور زي اللي مصوراها كدا وبدأ يكون في متابعين اكتر مع كل سيشن انزله وبدأت الناس تعرفني الي حد ما
وتحدثت قائلة :” أغلب المصورين اللي بتابعهم أجانب زي kaiboet, nadine beer, لكن بتأثر بالوان الصور او زوايا التصوير او بعض الأفكار لكن بطبق دا بشكل مناسب للمجتمع اللي احنا فيه “.
وأنهت لميس حديثها متحدثه عن خططها القادمة قائبة :” خططي اني اصور في كل محافظات مصر واقدر اطلع صور مختلفه بأفكار غير تقليديه بموبايلات مختلفه بامكنيات متوسطه”.
موضوعات ذات صلة:
بسنت عادل بطلة السوشيال ميديا.. استغلت إدارتها لأكثر من 40 جروب في تحقيق إنجازات إنسانية
عمر إسماعيل صاحب فكرة جروب Trendat couple: تمت من خلال الجروب 111 خطوبة
صاحب فكرة جروب كوكسال بابا: هدفنا تسليط الضوء على قصة حياة البلوجرز
