أعلنت الفنانة يارا تامر، عبر حسابها الرسمي على موقع التواصل الاجتماعي إنستجرام، انفصالها رسميًا عن مطرب المهرجانات مسلم، وذلك للمرة الثالثة خلال أشهر قليلة.
وكتبت يارا تامر في منشورها: “عايزة أقول حاجة صغيرة ممكن تكون مش مهمة لبعض الناس لكن مسلم للمرة الأخيرة، إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكلنا صعبة وتفكيرنا بعيد عن بعض مهما حاولنا”.
وكان قد أعلن مطرب المهرجانات مسلم، انفصاله عن خطيبته يارا للمرة الثالثة، وذلك بعد فترة قصيرة من عودة علاقتهما ببعض.
ونشر مسلم على حسابه الشخصي بموقع تبادل الصور والفيديوهات انستجرام، ستوري كتب فيها: محتاج أقول حاجة يمكن مش هتكون مهمة أوي للناس، دلوقتي لأن حاسس أن الناس زهقت من الموضوع ده بس حبيت أوضح علشان رديت ضميري قدام ربنا.. تم فسخ خطوبتي من يارا تامر.
وأضاف :” : أتمنى لي حياة جميلة ونجاح واستمرار، لأن حاولنا كثير وأنا خسرت كثير أوي من حياتي ووقتي قصاد التجربة دي وفشلت، والحمد لله بحمد ربنا إنه بين لي كل حاجة تخليني أبقى في حالي، وأبعد وأسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي”.
وفي شهر مايو الماضي، كان مطرب المهرجانات أعلن انفصاله عن خطيبته يارا تامر، ولكن بعد أيام عد الثنائي من جديد، ونشرت خطيبته ستوري، بأكثر من صورة جمعتها بـ مسلم، وذلك عبر حسابها الشخصي بـ موقع تبادل الصور والفيديوهات القصيرة انستجرام، لتعلن بتلك الصور عودتهما للمرة الثانية بعد الانفصال، ليرد مسلم بنشر صور له مع خطيبته، وتبادل الثنائي كلمات الحب عبر حساباتهما، وذلك بعد تصدرهما التريند بإعلان انفصالهما.
وفي تصريحات سابقة قال مطرب المهرجانات : «خطبت بعد طلاقي بـ 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني».
وتابع مسلم: «أنا معملتش حاجة غلط وعملت خطوبة زي أي بني آدم ومجرحتش حد بالخطوبة اللي عملتها، وراعيت مشاعرها وعمري ما هجرحها لأنها ام ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة».
وأضاف مسلم : «ده تسرع مني وأنا اللي نزلت اننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة».
تابعونا على صفحات موقع الحكاية الرسمية
