قالت الفنانة ياسمين صبرى، إنها لديها حالة من النضج فى التفكير، وتابعت: “كل فترة طموحاتى تتغير وأحلامى تتغير والحاجات اللى كنت فاكراها دى أقصى طموحى ألاقيها مش أهم حاجة وكل ما الواحد ينضج أحلامه تنضج معاه”.
وأضافت “صبرى”، خلال لقائها ببرنامج “صاحبة السعادة”، والمذاع عبر قناة دي ام سي، وتقدمه والفنانة إسعاد يونس، أن التطور فى تفكيرها وطموحها يعنى تغير الطموح فى الوقت الحالى عما كان عليه من أربع وخمس سنوات، متمنيا تطبيق كل ما تتعلمه وألا تتعلم فقط.
وتابعت: “مش حاسة إنى عندى ندم ولا آسفة على حاجة ووخده الجانب الإيجابى فى كل حاجة، والفترة اللى جاية نفسى أكون أحسن وساعات أسأل نفسى إيه رسالتى فى الحياة ولغاية النهارده بدور على الموضوع ده وبحس أنه طريق ملوش نهاية”.
