عبرت الإعلامية ياسمين عز في حلقتها اليوم الخميس عن حبها الشديد لـ الفنان تامر حسني، وذلك بعد الهجوم الذي يتعرض له لكونه فنان شامل، مشيرة إلا أنها تراه أفضل من مغني الراب العالمي ترافيس سكوت.
وقالت عز في حلقتها اليوم عن نجم الجيل :”ليه كل ما تامر حسني يعمل فيلم وينجح بتقللوا منه؟ تامر حسني عدى المرحلة دي ومش لسه هنقول موهوب ولا لا، تامر وهو نايم ممكن يألف أغنية وعنده خبرة كبيرة لأن بقاله 700 سنة في الوسط الفني”.
كما واصلت حديثها: “بقالنا 700 سنة معندناش فنان شامل من أيام عبد الحليم حافظ ودلوقتي جالنا تامر حسني المفروض نفتخر به لأنه مشرفنا برا، ليه بيحصل تربص مع كل نجاح له وفيه متصيدين، إيرادات إيه اللي ماجبهاش الفيلم؟ دي التذاكر متباعة، ليه يطلع تعليق من شخص مجهول يقول إزاي فيلم تاج أعلى إيرادات؟ أنت مين؟ لصالح مين بتقول دا؟”.
كذلك أضافت :”تامر أحسن من مليون ترافيس سكوت، ومعندناش في مصر غير تامر حسني فنان شامل وهو ناجح من وأنا في المدرسة لدرجة أنه مش بينام ولا بياكل ولا بيشرب عشان يقدم عمل حلو، والقلة اللي بيحبطوه متغاظين منه، وكل مرة يعملوا نفس الحملات عليه وأنا لن أسمح بـ دا”.
ياسمين عز
ي حلقة برنامج “كلام الناس” على قناة “MBC مصر”، وجهت الإعلامية عز حديثها إلى زوجات مشجعي نادي الزمالك، حيث أعربت عن تضامنها مع الفرعون الزمالكاوي، قائلة:”الفرعون الزمالكاوى الله يكون فى عونه، شايل فوق طاقته، ومحتاج معاملة خاصة”.
وأشارت “عز”، إلى أن الفرعون الزمالكاوي يشعر بأنه تم خيانته من قبل بعض أصدقائه وزملائه في الفريق، وأنه يحتاج إلى دعم وتشجيع من جماهير النادي وزوجاتهم، قائلة:”بغض النظر عن نتيجة الهزيمة أمام الأهلي الفرعون الزملكاوي عنده أزمة ثقة في أقرب الناس ليه من بداية الموسم”.
وتابعت:”الزمالكاوى اللى شاريه باعه وخانته ثقته في كل أحبابه، والاعيبه سابت النادى ومشيت بلاش تقفي له علي الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين ولو رفض تنزلي تقولي له حاضر”.
