علق المراسل التليفزيوني ماجد غراب، عن رحيل الإعلامي الرياضي أحمد شوبير، عن قناة أون تايم سبورتس والشركة المتحدة في فيديو له عبر صفحته الرسمية على موقع التواصل الاجتماعي” فيس بوك”.
يذكر أن المراسل التلفزيوني غراب كان يعمل مراسلًا مع الإعلامي أحمد شوبير في قنوات صدى البلد، قبل أن تدب الخلافات بينهم، ويبتعد الأول عن الوسط الرياضي لفترة كبيرة.
وجاءت تعليقات ماجد غراب على فيسبوك كالآتي:
وبدأ قائلًا:أنا مش مصدق نفسي لحد ما جالي تليفونات كتير بتقولي إنه مشي، الحمد الله وكل الشكر للشركة المتحدة وشكرًا ليكم جدًا وأنت فعلًا موجودين معانا وإنكم بتقدموا الشركة على قدر طموحات الشارع المصري”.
وتابع ماجد :اللهم لا شماته هو قعدني في البيت 6 سنين علشان عندي طموح، ولما الدنيا كانت بضيق قوي أقول ربنا عمره ما هيرضي بالظلم أبدًا، شوبير مشي ومش هشمت فيه، وكان عندي قناعة إن حقي هيرجع، وحق اللي مات هيرجع واللي عايش هيرجع”.
وواصل :الحمد الله على نعمة الوطن ونعمة المؤسسات الوطنية المحترمة، والله العظيم أنا بحلم واللحظة اللي عرفت فيها إنه مشي حسيت إني صغرت أكثر من 20 سنة وأمي بقالها 6 سنين مبتنامش بسبب اللي حصلي مع شوبير وليه بيحصل معايا كدا، وأمي لما عرفت صغرت أكثر من 30 سنه والله وبتموت من الفرحة، شوبير مشي وسلطان زمانه مشي معاه”.
واختتم:” وعايز أقولكم مصر مليانة مواهب ومش بتقف على أي حد والإعلام المصري بخير، وفي شباب زي الفل، وأنا عندي فكرة برنامج رياضي وهيخدم كل الأندية ونفسي أقدمه وعندي حلم أقدمه وعايز أقعد مع المسئولين في المتحدة واعرض فكرتي عليهم”.
تابعونا على صفحات موقع الحكاية الرسمية
Elhekayah TV – تليفزيون الحكاية
