حالة من الجدل اثارها الفنان أحمد آدم في برنامجه “آدم شو”، بعد هجوم على نجم الجيل تامر حسني وصف أعماله الفنية بالإسفاف.
وقال أحمد آدم : تامر حسني هو فيه زي تامر حسني الراجل من اول ما طلع بيعمل عظمة عامل اغاني مكسرة الدنيا وبيعمل سينما وكريتيف وبيعرف يفكر ويطور من نفسه وبيكتب سيناريو وبيخرج، وبيفكرني بأنور وجدي بل متفوق أكتر منه.
وتابع : مش كفاية كدا على تامر حسني، هما شويتين وخلصوا، أول لما طلع فتح القميص، وعمل شوية أغاني تعبانة وإسفاف، والأفلام اللي بيعملها وحشة جدًا، ايه اللي يجيبوا لأنور وجدي دا.
وفي أول تعليق من تامر حسني على تصريحات أحمد آدم قال : أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا … و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه؟.
وقال: “إنك تعمل تريند ده مش شيء صعب في ناس هرشت الزتونة وبقت عارفة التريند بيتعمل ليه.. اعمل اي حاجة شاذة اي حاجة هبل اي حاجة عبط اشتم اي حد هتبقى تريند، والغريبة أنها بتخش على الناس”
