قال الفنان أحمد سعد، إن زوجتى دائما في ظهري ومركزة معي قوي ومش هقول للناس انى اسعد واحد لكن بقيت طبيعى زى اى بيت مصري وهى بتفهم في الموضة جدا ونفسها حلو في الأوردرات.
وأضاف “سعد”، خلال مداخلة هاتفية له ببرنامج الحكاية مع عمرو أديب، قائلا:” الحمد لله صوتى مش متصنف على لون انا غنيت حزين الناس حبيتنى وفرايحى وموال وصوتى مش متصف على لون معين الحمد لله الناس حبتنى في الوان مختلفة ، وانا كل رمضان عندى فقرة أدعية وده الأساس بتاعي”.
وتابع:” الجمهور المصري معروف من قديم الزمان ولكن انا في حياتى ما شفتش زى الجمهور السعودى بيغنو مجموعة زى واحد ، وما شفتش جمهور في حلاوة الجمهور السعودى، وحصاد تعبى كله لما بقف قدام الجمهور قدام الناس، عمرو دياب ما فيش زيه وبقى تميمة زى الفستان والبدلة ودى حاجة جميلة قوى وانا بحب له أغانى كثيرة جدا”.
