قال الفنان أحمد سعد الواحد لما يشتغل ويلاقى نجاحات بيعرف قد ايه هو كان كسول لما كان كسول كان بيبقى عنده مبرررات كثيرة ، والمفروض الواحد مالوش دعوة بالناس غلطانة ولا مش غلطانة كل واحد يبص على نفسه ويشوف هو غلطان في ايه.
وأضاف خلال مداخلة هاتفية ببرنامج الحكاية مع عمرو أديب، في حاجات بتطلع تريند ما قصدتهاش كلها كانت بالصدفة ، الحاجة الحلوة الناس بتدور عليها مش لازم تعملها دعاية ، مراتى هي الترمومتر بتاعى وكانت نايمة ودخلت على التيك توك وعملت فيديو صدقينى لو بإيدي كنت اشيلك بين وريدى والناس افتكرت انى عاملها للصم والبكم وخلال 6 دقائق عملت مليون في أول ربع ساعة عملت 2 مليون والناس بدأت تسف جامد.
وتابع:” أحمد مكى هو اللى جابنى في المزاريطة وبعمل أغنية هعتزل الرقص فيها “رقصة الوداع” ، الناس هي اللى واخدانى جد وانا مش واخد الرقص جد على الإطلاق ، والناس كلها بطول ما انا ماشى في الشارع عاوزين يرقصوا معايا وريدى ، والجديد وسع وسع بقى ودى هتنزل الفترة اللى جاية ان شاء الله، والأغنية هتنزل خلال 10 أو 15 يوم ان شاء الله.
