سخر رامز جلال من الفنان مصطفى كامل، نقيب المهن الموسيقية، في برنامجه رامز نيفر إند، والذي يُعرض طوال شهر رمضان على شاشة إم بي سي مصر.
وقال رامز جلال: صاحب بالين كداب وصاحب 3 منافق والنهاردة جايبين بتاع كله، مصطفى كامل اللي بدأ شاعر على قده وكله بيستقل بيه وزهقوا منه وقالوا واد زنان، وأكيد هيقول أي بتنجان ولما سمعوه جالهم هبل وجنان وكتب أغاني عملت قلبان، وقال هيغني ويعمل ألحان وأتجنن وقال همثل كمان وأشطا يابا جابلنا حالة غثيان ورجعلنا بخبر انفجر زي البركان، واترشح لمنصب نقيب الموسيقيين ونجح وأدى لـ هاني شاكر كتف ونطره من المكان.
وواصل رامز جلال: مطرب الدموع والآهات مصطفى كامل، وقائد الأغنية الشعبية وعامل زي سواق الميكروباص، واللي يعرفوه بس حلمي عبد الباقي وأمين الصندوق.
كما تحدث مصطفى كامل عن أعماله الفنية، قائلا: أنا نزلت أغنية جديدة اسمها زرعة خايبة، ليرد رامز جلال، ساخرًا: غنيتها في إني غيط دي؟
كما سخر رامز جلال من ملابس مصطفى كامل، قائلا: لابس جاكيت وحاول يعمل فيها ويجز بس قلبت منه إيجز.
