فتح مطرب عمر كمال قلبه للجمهور وكشف عن عدة أسرار في حياته الخاصة عندما حل ضيفًا مع الإعلامي إبراهيم فايق.
وقال عمر كمال خلال بودكاست «فايق ورايق» مع الإعلامي إبراهيم فايق:أنه في البداية كان بيغني رومانسي ومكنش حد يعرفه ، ومقدرش يصرف على نفسه ، وده نتيجته أنه اتجه للمهرجانات وتواصل مع حمو بيكا وبدأ مشواره الفني في عالم المهرجانات.
رأيه في حمو بيكا
وأضاف مطرب عمر كمال :” حمو بيكا أكتر واحد في مصر عمل فلوس من المهرجانات.. بياخد ربح أغاني اليوتيوب لوحده، ولما بنطلب من بيكا نقسم يقولنا أنت مش بتغني وبيطلع لايف.. خلاص عايز إيه تاني”.
وتحدث عن بيكا قائلاً:”حمو بيكا مبيعرفش يقرأ ويكتب، اللغة بتاعته هي اللايف، صحي من النوم مغسلش وشه يطلع لايف ويتكلم في أي مشكلة و خد أغنية عصام صاصا وفضل يقولي يا عمر يا كمال يابو قُصة، وضحك الشعب كله عليا”.
حياته الشخصية
وتحدث عن حياته العاطفية قائلاً:” فيه بنات كتير بتحاول تتقرب ليا وفي بنات ارتبط بيهم وسبتهم لأنهم كانوا استغلاليين”.
وأكمل:” ارتبطت ببنت وكنت هتجوزها، عملت حادثة وخبطت عربية شخص، وكنت بمشي بـ 40 ألف جنيه في جيبي، ووقتها اديتهم للراجل وقلت له هصلح لك عربيتك على حسابي.
وعن علاقته بمطرب الأغنية الشعبية القدير أحمد عدوية قال:” لازم كل أسبوع أجيب لـ أحمد عدوية سمك البربوني الأحمر وأم الخلول من السويس”
وعن علاقته بأمه قال :” ساعات بكدب على أمي لما بقولها إني مطلعها عمرة تقولي لا مش هطلع من فلوسك فأقولها ده واحد صاحبي عنده شركة سياحة مطلعك ببلاش «كادوا» عشان توافق تسافر”.
موضوعات ذات صلة
الدخول مجانًا للسيدات.. شروط حفل عمر كمال في الساحل الشمالي غدًا السبت
تابعونا على صفحات موقع الحكاية الرسمية
Elhekayah TV – تليفزيون الحكاية
