إبراهيم أبو مبارك لـ الحكاية: أصبحت الفنان الأول في الوطن العربي اللي بيرسم بالنار واللهب على الورق
كتبت : أوركيد سامي
تحدث الفنان الشاب إبراهيم أبو مبارك عن موهبته في الرسم مع موقع الحكاية، وهو شاب 21 عامًا، لافتا إلى أنه اكتشف موهبته وهو عمره 18 سنة.
وأوضح أنه اكتشف موهبته وهو في المرحلة الثانوية، حيث كان مشترك في جروب، وأحد الأعضاء نشر رسمه كارتون فقرر رسمها، ولكنها لم تكن جيدة، فحاول ثم حاول حتى نمت موهبته.
وأضاف أنه يرسم بطرق مختلفة منها: ببري الأقلام، وبالأسلاك الملونة، والكاركديه، ونحت علي سن قلم، وبالشاي والعسل، وعلي الكرتون العادي، والبرتقال، والموز، وبالنار، وعلي حباية الحبوب، وبالقهوه، وعلي الحيطه، بالإضافة إلى رسوماتي برصاص والفحم الخشبية.
وتابع: انا محدش علمني الرسم، أنا اتعلمت الرصاص الأول لأن الرصاص أهم حاجة لكن بعد كده حبيت أكون مختلف واطلع فن جديد بفكرة جديدة، وبقيت استخدم أي حاجه قدامي وطلع منها تحفة فنية.
واستطرد: أُحبطت كتير لحد مجالي وقت أبطل الرسم فيه لكن بعد كده قولت لازم أخلي أي حد يحبطني هو إللي يطلب مني ارسمه، وانا برسم فرير هند ولسا بخوض في فن أون لاين، الآن يكون علي حسب كل رسمه والتفاصيل اللي فيها وكده لكن اكتر رسمة أخدت وقت كان 5 ساعات، وبعرض شغلي كله على مواقع التواصل الاجتماعي، وشاركت في معرض الكتاب التاسع في المنصورة.
وأوضح: حبيت أكون مختلف وفي نفس الوقت أثبت إن الرسم مش متوقف على الإمكانيات، يعني أقل حاجه قدامي ممكن أطلع منها تحفه فنية، وعن تجربتي بالنار اكتشفت إن الورق لما بيوصل لدرجه معينه من الحرارة لونه بيتغير فأنا استغليت الفكرة دي في صنع قلم من اكتشافي أنا وارسم بيه عشان أقدر أوجه النار علي المكان إللي أنا محدده للرسمة.
وتابع: أصبحت الأول في الوطن العربي اللي بيرسم بالنار واللهب علي الورق، في رسم أو حرق علي الخشب فأنا لما رسمت بأدوات غير تقليدية قررت أرسم بحاجة مختلفة خالص، يعني حبيت أكون متميز فطورت فكرة الرسم بالحرق على الخشب إلى الورق، وواجهني مشكلة ازاي أرسم بالنار علي الورق وأحط تفاصيل في الورقة.
واختتم حديثه قائلا: اتعمل لي معرض في المركز بتاعي خاص برسوماتي فقط، وحلم من أحلامي إنشاء أكاديمية كبيرة، ويكون فيها 2مستوي واحد تعلم الرصاص والفحم والتاني رسم بالنار، وانا بحب الانتقاد عشان بعرف مين حابب موهبتي، أنا اتعرض انتقادات كتير أوي بس مش بشغل دماغي بشغل دماغي اللي جاي هيكون أفضل بكتير.
