واصل الإعلامي إبراهيم سعيد هجومه على النجم محمد صلاح قائد منتخب مصر وهداف ليفربول الإنجليزي خلال تصريحات تلفزيونية.
وقال إبراهيم سعيد عبر برنامجه + 90 : “محمد صلاح بيلعب معايا لعبة، وأنا بحب المباريات، ودي لعبتي، وفي مواقف كتير بتأكد أنه شاغل دماغه بيا، وهو لو حطني في دماغه ممكن ده يبعده شوية”.
وأضاف :” “الرزق ده بتاع ربنا، الحاجات اللي بتحصل دي عيب، واللي بتعمله بيوصلني، لما اتكلمت عليك اتكلمت في مواقف مع منتخب مصر ماتكلمتش على محمد صلاح لاعب ليفربول”.
وأشار: “الأساليب اللي بتحصل معايا مش كرة، بس مش مشكلة أنا معاك وحاول مرة تانية وتالتة ورابعة، وممكن تكسب وممكن تخسر، بس انا بحب اتعامل في الحاجات دي بطريقة أفضل”.
وأوضح: “أكتر واحد وقف معاك هو إبراهيم سعيد، وانت عارف ومتأكد لأن مفيش حاجة بتفوتها وبتتابع كل حاجة، وسيبك من كلام مش بتابع، انت بتتابع كل حاجة”.
وأكمل: “انت مستغرب أن إبراهيم سعيد بينتقدك، اه بنتقدك، انا كابتنك، وموضوع أنك تلعب اللعب ده مش حلوة لأنك مش فوق النقد، ومن مصلحة الكرة المصرية انك تتعرض للنقد”.
وشدد: “انت مفرحتش الشعب المصري، وانا نفسي اشوفك رافع كأس أمم إفريقيا، زي ما بتتصور بالحذاء والدروع مع ليفربول، لأن ده إنجاز شخصي ليك مع منتخب مصر”.
وتابع: “نفسي أشوف محمد صلاح بتاع زمان، المتواضع اللي كان بيبقى ماسك المصحف في أيده، وسيبك من الكتب والحاجات اللي بتنزلها دي مابتأكلش عيش، عايز أشوف محمد صلاح اللي بيقدر كل الناس”.
وأختتم: “احنا بنتكلم معاك هنا عشان منتخب مصر، وانا عارف أن انت ممكن يكون معندكش الأحساس بتاع منتخب مصر عشان مش مركز مع المنتخب، ومش عايز حد ينتقدك”.
رسالة فخر العرب
كشف الإعلامي سيف زاهر عن نص الرسالة التي أرسلها محمد صلاح قائد المنتخب الوطني، إلى حسام حسن بعد توليه منصب المدير الفني للفراعنة.
وقال سيف زاهر، في تصريحات تليفزيونية على قناة «أون تايم سبورتس»: “محمد صلاح أرسل رسالة لمسؤول كبير في الرياضة المصرية قال فيها محمد صلاح (أنا لاعب في منتخب مصر، دوري أبقى لاعب واتحاد الكرة دوره اختيار الجهاز الفني، فلا يوجد تعارض في اتخاذ القرار، ده جهاز فني وأنا لاعب يوم ما يستدعوني أنا موجود)”.
وأعلن الاتحاد المصري لكرة القدم رحيل روي فيتوريا بعد النتائج السلبية والخروج المبكر من بطولة كأس أمم إفريقيا
وعلم الحكاية أن اتحاد الكرة توصل لاتفاق مع فيتوريا اجتمع مع المسؤولين في اتحاد الكرة أمس بتقسيط الشرط الجزائي والرحيل بالتراضي على ان يتم انهاء الأمر بشكل رسمي خلال أيام دون تقديم شكوى في فيفا.
وخرج منتخب مصر من بطولة كأس أمم إفريقيا المقامة حاليا في كوت ديفوار من دور الـ16، عقب الخسارة من الكونغو الديمقراطية بركلات الترجيح (8-7)، بعدما انتهت نتيجة المباراة بالتعادل بهدف لكل منهما.
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
“العين الحمرا”.. إبراهيم سعيد يكشف قرارات نارية لمدرب الزمالك الجديد
