كتبت – شروق حجازي
الكوسبلاي هو عبارة عن تجسيد لشخصية خيالية في فيلم إنمي أو كارتون أو رواية علي أرض الواقع عن طريق لبس نفس الملابس أو الأقرب شكلا ليها ونفس الميكاب لتغير الملامح ليكون مثل الشخصية واستخدام الباروكة.
اقرأ المزيد.. تزامنًا مع يوم المرأة.. أعضاء جروب Female يشاركون تجاربهم القاسية وقصص النجاح
وتقول إحسان جمال للحكاية: “أنا كمحجبه بستخدم الطرحه بدلا من الباروكة وبعمل نفس تسريحه الشعر الخاصة بالشخصية بدون التخلي عن الحجاب وبعمل أدوات الشخصية هاند ميد سواء الاكسسوارات أو الاسلحة بعد التعديلات علي الملابس”.
واضافت :”بدأت في هواية الكوسبلاي من قريب، وأحببت ذلك المجال جدا بل واكتشفت أني موهوبة في نقط كتير منها تقمص الشخصية وعمل المكياج مثل الشخصية تماما، ونزلت بيه ايفينتات وأعجب به ناس كتير جدا ومدحوا في موهبتي في تجسيد الشخصية على أرض الواقع حتي بتعابير الوجه”.
وأضافت: “أنا كنت بحب الكارتون والإنمي والأفلام وأنا صغيرة، وبدأت أتابع وكان نفسي أعمل حاجة تجسد الشخصيه دي في الواقع لإني كنت بشوف في الدول الغربية ناس بيجسدوا الشخصيات علي أرض الواقع فحبيت أجرب زيهم والفكرة نجحت معاايا جدا وبدأت أتطور في فترة قليلة”.
وأكملت إحسان حديثها قائلة: “المشاكل اللي واجهتني إن الفكره جديدة على المجتمع، الناس مندهشة ازاي أعمل حاجة زي دي للأطفال، وبعض ناس قالتلي اعملي حاجة مفيدة رغم إنها هوايه وبطلع فيها موهبه الهاند ميد وبتبسط بيها”.
وأضافت:” الأهل اكيد اعترضوا علي الموضوع في الأول، حيث أنها كعائلة محافظة مش بتحب إني أنزل إيفينتات و هكذا، ولكن أقنعتهم بالفكرة وإني متخلتش عن حجابي وبعمل حاجه بتفرحني وبتفرح الناس معايا”.
وأنهت حديثها قائلة: “بعض الناس السلبيين اللي هاجموني في نفس مجالي، وانتقدوني بشكل كبير جدا وحتى لما اتطورت فضلوا ينتقدوا ولكن انا سأستمر وسأتطور أكثر بأذن الله”.
موضوعات ذات صلة:
جروب SUGARY يحتل التريند بسبب قصص الرعب.. تجارب حقيقية يرويها أصحابها
جروب SUGARY عالم صغير لأسرار الميكب.. صاحبته تدرس الصينية ولكنها تهتم بعالم التجميل
صاحب فكرة جروب ” outfit Helpers official Group “: هدفي المساعدة في اختيار الملابس وتنسيقها
