أنهت طالبة جامعية بمحافظة الدقهلية حياتها بتناول حبة الغلة السامة، بعد مرورها بحالة نفسية سيئة، تاركة رسالة مؤثرة على حسابها الشخصى فيس بوك قبل وفاتها.
وفي التفاصيل تلقى اللواء مروان حبيب مدير أمن الدقهلية إخطارًا من مدير المباحث الجنائية بورود بلاغ لمركز شرطة بلقاس من مستشفى بلقاس المركزي بوصول فتاة تدعى “رنا. ج”، 22 عسنة، مصابة بحالة إعياء شديدة وادعاء تناول قرص كيماوي “حبة الغلة السامة” ووفاتها بعد وصولها المستشفى.
وبعد انتقال ضباط المباحث الجنائية تبين مصرع الفتاة وأكدت أسرتها أنها كانت تمر بحالة نفسية سيئة وتعاني من اكتئاب وعزلة، وتحرر عن الواقعة المحضر اللازم واخطار النيابة العمة للتحقيق .
وتركت الفتاة على صفحتها الشخصية على الفيس بوك عدة رسائل تشير إلى رغبتها في الانتحار وكان آخرها رسالة مؤثرة شرحت فيه ما تعانيه من وحدة وتجاهل من أسرتها وأصدقائها، قائلة: “أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي وإستحملت كتير أوي بس أنا إنسانه عندي طاقة مش قادرة استحمل كل ده لوحدي، أنا بس كنت محتاجه حد يطبطب عليه وياخدني في حضنه أنا عمري ما حسيت بحنيه أم ولا أب ولا اخوات ولا اصحاب، انا عايشه لوحدي حرفيًا رغم وجود الناس دي حوليا انا لوحدي والوحدة وحشة أوي ومُتعبه أوي، أنا اتهلكت وتأذيت واتخذلت من اقرب ناس ليا وفي الاخر يتقالي معلش، محدش يكلف نفسه يفكر فيا ولا يفكر في إحساسي، أعيش ليه، أعيش لمين، انا ف الوقت ده كنت عاوزه بس اللي يحسسني اني استاهل أتحب وأن حد يفضل معايا عشاني عشان بيحبني”.
وأضافت في رسالتها: “أنا حاربت الناس كلها علشان ابقي كويسة وكل محاولاتي فشلت، اتاكدوا اني موصلتش لهنا بسهولة كده لا والله انا عافرت عشان موصلش بس للاسف الحزن كان أقوي مني أتمني ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمني محدش من أهلي يحضر جنازتي لأنى ماشيه زعلانه زعلانه منهم كلهم ومش مسامحة في حق نفسي ابداً، ادعولي بالرحمه افتكرونى بالخير وأتمنى متنسيش زي ما كنت منسيه وقولوا للشخص اللي ختم نهاية حياتي انه كان أملي الوحيد وللاسف خذلني، عرفوه إني كنت بحبه عرفوه اني خلاص فارقت الدنيا دي وانا حزينه وزعلانه على نفسي، هيعرف بالصدفة أني موت زيه زي ناس كتير اوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحيااة كلها، ادعولي ربنا يسامحني ومحدش يقولي ماتت كافرة لأن الكُفر هو اني افضل عايشه مأذيه ومنسيه ووحيده”.
جدير بالذكر أن الدولة تعمل الدولة على تقديم الدعم النفسي للجميع من خلال أكثر من جهة وخط ساخن لمن لديهم مشكلات نفسية أو رغبة في إنهاء حياتهم، أبرزها الخط الساخن للأمانة العامة للصحة النفسية، بوزارة الصحة والسكان، لمساندة الراغبين في الانتحار وإثنائهم عن الوصول لمرحلة «قتل النفس»، من خلال رقم 08008880700 – 0220816831، كما خصص المجلس القومي للصحة النفسية خط ساخن لتلقي الاستفسارات النفسية 20818102.
ومن جانبها أكدت دار الإفتاء المصرية، أن الانتحار كبيرة من الكبائر وجريمة في حق النفس والشرع، ولا ينبغي التقليل من ذنب هذا الجرم وكذلك عدم إيجاد مبررات وخلق حالة من التعاطف مع هذا الأمر، وإنما التعامل معه على أنه مرض نفسي يمكن علاجه من خلال المتخصصين.
