استضافه الإعلامية ياسمين عز، الفنانة ميرنا وليد ببرنامج “كلام الناس”، والمذاع عبر قناة “ام بي سي مصر”، حيث أكدت الفنانة ميرنا وليد، أن هناك شركة انتاج كبيرة رفضت التعامل معها بسبب أنها طلبت قراءه السيناريو كاملا.
ويرصد موقع الحكاية اليكم أبرز تصريحات ميرنا وليد وهي كالتالي:
انا زوجي ملياردير بمشاعره
زوجي رجل موظف كابتن طيران في مصر للطيران وما لوش شغل ثاني بره.
زوجي مش رجل اعمال وانا ما عنديش بيزنس خاص بيا
ما باشتغلش عمل الا لما اكون راضية عنه حتى لو انا محتاجه فلوسه وهو مش عاجبني مش بعمله
الناس حبت ميرفت في قصه الامس على الرغم من ان كان دور ست بتخطف راجل متجوز
بخاف من عمليات التجميل ولكني ليست ضدها
انا جبانه جدا وبخاف من الابر والعمليات
انا وشي محتاج شوية بوتكس ولكني بخاف من الغلط
أنا ممثلة ووشي بيعبر فمش عايزه افقد حاجه مهمة في شغلي علشان شكلى
ابي وامي جنسية لبنانية ولكن عندي جذور مصرية
عقد الزواج كان اصعب عقد كتبته في حياتي
استغربت من هجوم الناس عليا بسبب فوتوسيشن عيد الحب
انا دخلت الوسط طفلة
الناس كانت متوقعه بعد غيابي لما ارجع اني لازم اكون كبيرة في السن
سلقت الفرخه في 12 ساعة
