استبعدوني من بطولة العالم بسبب المنشطات.. تعرف على أبرز تصريحات الشحات مبروك في كلام الناس

استضافت الإعلامية ياسمين عز، مساء اليوم، الفنان وبطل كمال الأجسام الشحات مبروك، ببرنامج “كلام الناس”، والمذاع قناه ام بي سي مصر، حيث أكد الشحات مبروك، أنه لم يحقق فلوس من السينما والتمثيل، وتابع:” كنت طماعًا ويحب السينما والتمثيل في بدايتي وكنت فرحان بالأجر القليل من الفن”.

ويرصد موقع الحكاية، أهم تصريحات الفنان وبطل كمال الأجسام الشحات مبروك، ببرنامج كلام الناس، وهي كالتالي:

– أهنئ الشعب المصري بثورة 30 يونيه العظيمة، وعيد الأضحى المبارك.

– على الإنسان أن يهتم بالرياضة  لانه شيء مهم في حياة البشر.

– الرياضة صحة للعقل والبدن، وصفاء للنفس والتصرفات مع الناس مما ينعكس على الشكل في العمر والجسم.

– كل إنسان يعمل ما يريده ويرغبه ولكن دون إيزاء أو ضرر للآخرين.

– دوري في الفيلم مش كبير لكن عجبني جدًا ودمه خفيف.

– أول مرة أقف أمام الكاميرا وأنا سعيد.

– قدمت 21 فيلم منهم 4أفلام فقط هما اللي راضي عنهم، والباقي حاسس إني شكل عبيط ولكني كنت فرحان إني بمثل.

–  الجدعنة أخذت مني الكثير.

– لم أكون فلوس من التمثيل.

– محمد إمام من الشخصيات المحترمة، ومتربي على الغالي ونجم في الأخلاق والمجاملة والمقابلة.

– محمد إمام لو عارف إن في طوبة جاية اللوكيشين بيشيلها فوق دماغه.

– كل جيل فيه كل حاجة الحلو والوحش.

– الجيل الحالي أشطر وأوعى وبيمثلوا حلو قوي وفاهمين هما بيعملوا ايه.

– كل الشباب اللي اول مرة يمثلوا واللي بقالهم سنتين وتلاتة بيمثلوا حلو قوي.

– العمل السينمائي في تطور مستمر.

– تصوير الأولاد على التيك توك أفضل من تصوير الافلام زمان.

– حصلت على بطولة كمال الاجسام ١١مرة.

– اعتزلت وأنا عندي ٥١ عام.

– أنا عملت جمهوري فرد فرد ونفر نفر بدون سوشيال.

– كل واحد من جمهوري كان صاحبي وأنا بلديات كل مصري وربيت جمهوري على إنه بلدياتي لأني عاشق للناس.

– كان نفسي اعمل فن او تمثيل بالقرب ده.

– البطولة أنا اللي بصنعها بإيدي وبالتوفيق من ربنا.

– بيج رامي حقق إنجاز كبير بفوزه ببطولة مستر أوليمبيا، مرتين على التوالي.

– بيج رامي يمتلك موهبة عالية، والمنشطات ممكن تعمل معاه دور.

– كنت بتعاطى المنشطات.

– اللي مش بيعمل عضلات بالمنشطات مش هيعملها بمنشطات.

– استبعدوني زمان من بطولة العالم بسبب المنشطات.

– أنا باخد منشطات ولكن قبل ما أقدم للبطولة ب ٥شهور علشان لما أحلل ما يطلعش عندي حاجة.

– قررت إني أطلع الأول في بطولة العالم يا أموت وكنت مستعد أموت لكن زوجتي متحاسبنيش لو خسرت في بطولة العالم.

– دخلت الساونا 5 ساعات عشان أخس 8 كيلو.

– لقبت بالكابتن بحبه أكتر من أستاذ أو فنان.

-بشكر السينما إنها عرفت الناس إني بطل العالم في كمال الأجسام.