بدأت أعمال البلوجرز تنهال على طالبة كلية التربية الرياضية بجامعة أسيوط بعدما تصدرت الترند على وسائل التواصل الاجتماعي، في الفترة الماضية لما تعرضت له من هجوم بعد انتشار فيديو لها وهي ترقص في حفل التخرج الخاص بدفعتها، بثوب الخريجين وقبعة التخرج.
العمل كـ بلوجر
لتبدأ الطالبة التي تدعى سمر عنتر في الظهور بفيديوهات على مواقع التواصل الإجتماعي والعمل ك بلوجر ليتم استغلال شهرتها الحالية من قِبل الأماكن والمؤسسات التي تعمل لتسويق منتجاتها او أعمالها .
سمر تبكي وتتوعد منتقديها
وخرجت سمر عنتر مقطع فيديو على صفحتها الشخصية بموقع التواصل “فيسبوك” لترد على الهجوم الذي تعرضت له على إثر انتشارالفيديو، والذي اعتبرته أنه كان مجرد طريقة للتعبير عن فرحتها بالتخرج في وجود عائلتها وأصدقائها، ولم تتوقع أن يصل الأمر لهذا الحد.
وقالت سمر: “أنا مش طالعة أبرر بس دي كانت حفلة تخرجي، وأنا طلعت رقصت عادي مفيهاش حاجة لافتة، ما فيه ناس بترقص في الفرح هل الفرح يفرق عن حفلة التخرج؟“.
وأردفت الفتاة: “أنا فرحتي كانت فرحة عادية ومكنتش بعمل كده عشان أطلع ترند والكلام الفاضي ده، أنا كان حواليا أصحابي وأهليوحبايبي، لكن الناس استغلت ده عشان يشهروا بيا، أنا طلعت رديت من بشاعة الكلام، أهلي عارفيني كويس أوي وهما عارفين بنتهم بتعمل إيه مفيش حاجة في الخفاء، وإخواتي رجالة يسدوا عين الشمس ومش بعمل حاجة من وراهم خالص“.
وحذرت سمر كل من أساء إليها أو أساء لجامعتها، وتوعدت باتخاذ الإجراءات القانونية اللازمة.
واستكملت سمر: “أنا بتشرف بالكلية بتاعتي ودكاترتي بأي حق تغلطوا فيهم، أنا هاخد إجراءات قانونية ضد أي حد شهّر بيا، والناس اللي فجأة عملوا شيوخ وحكموا عليا مش إنتو اللي هتقولولي الحرام والحلال إيه، كل شخص يركز في حياته وكفاية كلام بالباطل، وأنا خصيمة أيحد اتكلم عن عرضي وشرفي“.
تابعونا على صفحات موقع الحكاية الرسمية
Elhekayah TV – تليفزيون الحكاية
