جاءت أقوال اللاعب أحمد ياسر المحمدي المتهم بالاعتداء على فتاة إنجليزية في دولة قطر اثناء لعبه في نادي ريان القطري قبل ترحيله على مصر للتحقيق معه ومحاكمته.
وواجهت جهات التحقيق اللاعب أحمد ياسر المحمدي، باتهامه بمواقعه المجنى عليها إليانور هارتي، إنجليزية الجنسية بغير رضاها وذلك داخل منزله بمدينة خليفة بعاصمة دولة قطر بأن تحايل عليها واستدرجها إلى غرفة نومه ودفعها نحو فراشه وخلع ملابسها واعتدى عليها بالضرب أثناء مقاومتها له وأحدث بها إصابات، وردت في تقرير الطب الشرعي المحرر بمعرفة السلطات القطرية.
وأنكر اللاعب أحمد ياسر المحمدي، الواقعة وأقوال الفتاة الإنجليزية وأقر بأنه لم يغتصبها لكنه مارس معها الجنس برضاها وإرادتها، وذلك بعد أسبوعين فقط من تعرفه عليها.
أقوال أحمد المحمدي
وروى أحمد ياسر المحمدي تفاصيل الواقعة بقوله: أنا اتعرفت على الفتاة من خلال الانستجرام لأن حسابي مفتوح للعامة، فعملت ليا متابعة فولو قبل الواقعة بأسبوعين تقريبا وساعتها جالي فضول أشوف حسابها ودخلت اتفرجت عليه ولقيته متاح للعامة برضو فعملت لها متابعة لحسابها.
وأكمل أحمد ياسر المحمدي: ما اتواصلناش خالص مع بعض والفترة دي وقتها كنت بجهز لحفلة عيد ميلادي وبشوف هعزم مين وعزمت أصدقائي المقربين من لعيبة كرة القدم وصديقات ليا بدولة قطر من جنسيات مختلفة، وقبل الواقعة بيوم تقريبا جاتلي فكرة أعزمها كفضول ليا التعرف عليها وهي كانت عجباني شكلها حلو شعرها أصفر وبيضة جدا، ومفيش فرصة أحسن من أعزمها على عيد ميلادي فتواصلت معاها على الانستجرام وقلت لها أنا هعمل حفلة عيد ميلادي بمنزلي وعزمتها وبلغتها تجيب أصدقائها لو أمكن.
وتابع اللاعب: الفتاة أكدت ليا غنها هتيجي لوحدها وطلبت مني أنا اللي أعدي عليها وأخدها من بيتها فطلبت رقم موبايلها عشان تبعتلي لوكيشن عنوان بيتها وبلغتها إني هعدي عليها الساعة 7:00 مساء، وفعلا عديت عليها وجينا على البيت عندي والخادمة كانت أنهت يوم العمل بتاعها فمشيتها وقلتلها خلاص روحي أنتي.
واستطرد المحمدي قائلا: جبت الشيشة وهي سالتي عندك درينك مشروبات كحولية قلت لها فيه نبيذ أبيض وعملت لها كاس واحد وقعدنا في الصالة لوحدنا في البيت مكنش فيه حد لسه من المعزومين وشربنا الشيشة وهي شربت الكاس ده فقط ولما كنا بنشيش قعدت تداعبنى من باب الهزار والمداعبة وبعدها أحمد أمجد صديقي من ضمن المعزومين وصل البيت وده صديقي مصري الجنسية مقيم في قطر، وقعد معانا بالصالة وعرفتهم على بعض.
أكمل اللاعب أحمد ياسر المحمدي في اتهامه باغتصاب الفتاة الإنجليزية: بعدها أحمد. أ صديقي من ضمن المعزومين وصل البيت وده صديقي مصري الجنسية مقيم في قطر، وقعد معانا بالصالة وعرفتهم على بعض، بعدها اداني دواء كان مكتوب ليا عشان كنت مصاب قبل الحفلة دي بفترة إصابة ملاعب عبارة عن كسر في الكاحل في مباراة كرة مع نادي الدحيل القطري ببطولة دوري أبطال آسيا وابتعدت عن الملاعب شهور بسببها، حتى يوم الحفلة كانت لسه رجلي متجبسة، وده المفروض دواء لعلاج الالتهاب وطبيب تونسي كان وصفه ليا، وبعته مع صديقة له وهي أعطته لأحمد عشان يوصله ليا، وتركت الدواء ده بالصالة واحنا قاعدين ومخدتش منه عشان كنت بالحفلة ملهي فيها.
وأوضح أحمد ياسر المحمدي: وبعدها بلغت إليانور أني هطلع أغير هدومي بغرفة نومي بالدور اللي فوق بالفيلا وهنزل تاني، وقالت لي أخدها أفرجها على البيت، وطلعت معايا فوق على طول حوالي الساعة 9:30 مساءً تقريبا واتفرجت على الغرف، بعدها دخلت معايا غرفة نومي واتفرجت على الغرفة وقعدت تشوف البرفيوم بتاعتي وأنا كنت بعرج ساعتها من الإصابة، بعدها أنا بدأت أغير هدومي عشان المعزومين على الحفلة كانوا قربوا ييجوا.
وواصل أحمد ياسر المحمدي: راحت هي فردت جسمها على السرير ودخلت السرير جنبها وقعدنا نهزر شوية وبدأنا نداعب بعض، وعملنا علاقة كاملة من غير أي عنف وبرضاها، وكملت العلاقة معاها بشكل طبيعي.
