نشرت الفنانة القديرة فيفي عبده فيديو على حسابها الشخصي على انستجرام وهي على متن الطائرة في رحلة جوية تتحدث مع ابنتها على مشروب تمسكه بيدها.
وأظهر الفيديو فيفي عبده وهي تقلب مشروب، وسألتها ابنتها: “بتعملي إيه يا ماما”، لتجيبها: “ولا حاجة، الـBloody Mary”، لتصحح لها ابنتها المعلومة أنه Virgin Mary، أي بدون مواد كحولية، لترد فيفي عبده بالإنجليزية: “بدون كحول، أعجبني، حقيقي أعجبني”.
وعلقت فيفي عبد على الفيديو قائلةً:” عاجل من الطيارة اسكوز مي يا جماعة حبيت اتفزلك افتكرته عصير طماطم بس طلع بلادي ميري بس او ماي جاد الحمد لله طلع منغير كحول”.
تصريحات فيفي عبده
وفي وقت سابق اتهمت النجمة فيفي عبده، جميع الأزواج بالخيانة،لافتة إلى إنهم لديهم نزوات ويخونون الزوجات.
وقالت فيفي خلال حوار ببرنامج “حبر سري”، مع الإعلامية أسما إبراهيم، على قناة القاهرة والناس، : “الرجالة كلها بتخون، واللي تقول مش بيخون وماشي على الصراط المستقيم؛ مش صحيح، ولا بد يكون الراجل عنده نزوات، وبتبقى قمر وتتخان، والمفروض تعمل نفسها مش عارفه”.
وتابعت فيفي عبده، “الست لو واجهت الراجل بخيانته؛ أكبر غلط ليها في الحياة”، متابعة: “الحياة دلوقتي صعبة، ونسبة الطلاق عالية جدا، وهي حقها تفتش وراه، وحقه يخلي باله من مراته، ولكن الست لازم تفهم إنها لو عرفت إنه بيخونها؛ تطنش”.
وأضافت فيفي : “الراجل لو بيحب مراته؛ يبيع أي حاجة في الدنيا عشانها، لكن هي لازم تستحمل وتعدي، وكان في ناس تحاول تشككني في جوزي ولكن ماكنتش بعطي فرصة لكده”.
وأعلنو فيفي اعترافها بالجواز العرفي؛ وقالت مبررة ذلك: لأني ما أخليش الراجل يلمسني إلا لما يتجوزني، وأعتبرها فترة خطوبة، وبعدين أكتب كتاب رسمي، وكل اللي اتجوزتهم محترمين، وحظي كان كويس”.
كما تحدثت فيفي عن الموت وقالت: كل سنة بشتري كفني من السعودية وبعدين أطلعه صدقة ومش كاتبه وصية وسيباها على الله وأولادي عندهم قناعة بالرزق ورأي اللي يموت ميسبش حاجة ويصرف لآخر مليم”.
وتابعت فيفي قائلة: “القرش احنا اللي بنجيبه مش هو اللي بيجيبنا وصحتنا أهم حاجة”.
ومزحت قائلة: “الناس عماله تفلسع ولازم افكر في التربة وفجأة تلاقي الناس كتير بتموت وكل أسرة فيها ناس تموت، وفي وقت كورونا قعدت سنتين مشوفش حد خالص وأول خروجة خرجتها رجعت مصابة، ودي من ضمن الحاجات السودة اللى مريت بيها وفضلت معزولة ولا حاسة بحاجة”.
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
فيفي عبده : أصاحب الرجالة والستات لأ وهعمل برنامج عن الحموات
