ناشد الإعلامي محمد الباز، بضرورة تدشين جيش مصر الإلكتروني للرد على الشائعات، وأعداء الدولة المصرية، وتابع:” كل واحد مؤمن بـ30 يونيو وشايف الدولة بتتعرض لهجوم يكتب ويشرح وميخفش، أمال مين اللى هيدافع عن البلد ويقول إن المشروع اللى المصريين خرجوا في 30 يونيو عشانه هو مشروع واختيار صحيح”.
وأضاف “الباز”، خلال تقديمه لبرنامج “آخر النهار” المُذاع على قناة “النهار”، أنه يطلب من كل مؤيد لـ30 يونيو أن يكون جندي على السوشيال ميديا يدافع عن الدولة، وتابع:”متسيبش الخصم أو واحد حط نفسه في منطقة التحريض على الدولة يقول اللى هو عاوزه ويهاجم ويروج أكاذيب ويقول أي كلام والناس تصدقها”.
وأشار “الباز”، إلى أن هناك طاقة سلبية يتم تصديرها للشارع المصري، متسائلا: “مين هيقف قدامهم؟، وتابع: “اللى موجودين في طرف معاداة الدولة ممكن تكون ناس مش فاهمة أو ناس مستسهلة الحلول، لكن في ناس واقفة تغذي خطاب كراهية الدولة، ودول لابد الناس ترد عليهم وتقولهم أقف عندك ده واقع احنا صنعناه ولابد من الدفاع عنه”.
وشدد على أنه لابد من الوقوف للدفاع عن الدولة المصرية ولو موقفناش عشان ندافع عن الدولة و30 يونيو والتضحيات اللى الناس علمتها كل ده هيضيع ونرجع لنقطة الصفر مرة تانية.
