كتبت-شروق حجازي:
البعض يجد من الحيوان خير أنيس له، وتُعتبر القطط من أكثر الحيوانات الأليفة والصديقة للإنسان؛ لذا يحرص الكثيرين عى تربيتها في المنزل، ونظرًا لأن تربية القطط تحتاج دائمًا إلى بعض الاستشارات، انشأت إيمان مجدي جروب “في بيتنا قطة”؛ لتقديم الاستشارات ويد العون للجميع.
اقرأ المزيد.. ليلى علوي ترد على استمرار وصف الجمهور لها بـ “القطة”: محبة الناس غالية (فيديو)
تقول إيمان مجدي إنها تخرجت من كلية العلوم سنه 2015، ولكنها حرصت على الالتحاق بدراسة الطب البيطري حتى الآن، وأن فكرة الجروب كان الهدف منها المساعدة في تبني وإنقاذ القطط والمشاركة في نقل المعلومات المعلومات الخاصة بتربية القطط، متابعة:”أول ما عملت الجروب دخلت دكاترة بيطريين معايا عشان لو حد محتاج استشارة “.
وأضافت :” بمساعدتهم وبمساعدة فريق الانقاذ من الأدمن والدكاترة أنقذنا حالات كتير جدًا كنا بنسهر مع الحالات للفجر متابعين معاهم بدون مقابل ودكاترة كتير كانوا بيتبنوا الحالات ويعملوا عمليات ببلاش”.
و أوضحت إيمان أنها التحقت بكلية الطب البيطري لكي تزود معلوماتها عن الحيوانات وتستطيع مساعدتهم بشكل أكبر “.
وأضافت أنها كانت تواجه بعض الصعوبات قائلة:” أكتر حاجة بتضايقنا في الجروب الحالات اللي مبنقدرش نرد عليها في وقتها لأننا كلنا عندنا حياتنا ومش متاحين طول الوقت وفيه حالات بتكون محتاجة إنقاذ سريع وللاسف بنخسرها على ما نيجي نرد بتكون اتوفت “.
واستطردت حديثها قائلة:” ولكن عملنا بوستات كتير للتوعية وفيه بوست مثبت على الجروب بكلام الدكاترة والحاجات اللي ناخد بالنا منها لو عندنا حيوان أليف في البيت، وبنحاول على قد ما نقدر نوعى الناس بكل حاجة تخص قططهم”.
موضوعات ذات صله:
القطط أذكى مما نعتقد.. تعرف اسم مالكها ويمكنها التعرف على ألقاب أصدقائها من الحيوانات
عبدالرحمن صاحب جروب “هواة تربية القطط”: هدفنا تبادل الخبرات
ياسمين عبدالعزيز تنشر صورة لقطتها الأغلى في العالم: عروسة بوبس
