وجه محمود الخطيب رئيس النادي الأهلي رسالة إلى لاعبي فريقه بعد نهاية مباراة الجونة في الدوري، وحسم الزمالك للقب الموسم الجاري من الدوري.
اجتمع محمود الخطيب مع لاعبي الفريق في دائرة منتصف ملعب خالد بشارة.
وقال الخطيب خلال كلمته للاعبين، ” إرفع رأسك أنت أهلاوي.. نفخر بكم أنتم أبطال افريقيا وثالث العالم ..أنتم الأفضل وتستحقون التكريم ..خسارة بطولة في الأهلي مجرد بداية لتحقيق الكثير من الإنجازات”
"ارفع رأسك فوق أنت أهلاوي" 🦅
كلمة الكابتن "محمود الخطيب" للاعبي الأهلي عقب انتهاء مباراة الجونة ❤️#الاستوديو_التحليلي | #معاك_يا_أهلي
#Alahlytv 📺 pic.twitter.com/qtZ4CA5ZHs— Al Ahly TV – قناة الأهلي (@AlAhlyTV) August 24, 2021
وأضاف، ” أوعوا تنسوا أنكم حققتوا رباعية وأبطال أفريقيا مرتين ودي مبتحصلش كتير، أنتواحققتوا رباعية واخدتوا برونزية لتاني مرة، وانتوا أبطال السوبر متنسوش ده”
وقال، ” احنا قصرنا معاكم احنا كنا لازم نحتفل بيكم بلقب التاسعة والعاشرة والسوبر، بس مكنش فيه وقت”.
وتابع ، “الأهلي لما بيفقد بطولة الأهلي بينطلق منها، البطولات جايه كتير وعندنا بطولات كتير، لازم تبقوا فاهمين ده ولازم تفرحوا جمهوركم اللي معاكم وفي ضهركم”.
واوصل:” أنتم أحسن لاعيبه في القارة، متخلوش حد يسرق منكم فرحتكم،الجمهور اللي بيهتف النهاردة ليه حق علينا اننا نفرحه في اللي جاي”.
الجمهور هو الشريك وهو السند وصانع بطولات الأهلي من 1907، احنا من 1907 بنمشي بالحب دة والمجموعة دي، هو ده التاريخ اللي لازم تفخروا بيه. جمهورنا فخور بده، وعارف ان كل كام سنة ممكن حاجة تعدي”.
