قال الرئيس عبد الفتاح السيسي، إن ثورة 30 يونيو، لم نعشها من قبل ولم تحدث على مر التاريخ، وتابع:” إحنا ما عشناش وما زايدناش على إنها ثورة لم تحدث في التاريخ ولم يتحرك شعب في العالم كله بهذه الأحجام لتغيير واقع في مصر ولا في المنطقة ولا في العالم، وأنا كنت مسؤول في الوقت ده وبرصد وطلعت طيارات تصور في كل ميادين مصر”.
وأضاف “السيسي”، خلال مؤتمر صحفي له عقب الجولة التفقدية لمشروع المجمع المتكامل للانتاج الحيواني والألبان،” الموضوع كاشف للفكرة، إزاى يتحرك 30 مليون بني آدم وبالمناسبة اتحركوا مرتين، والتاني ده كان تحدي من جانبي للناس، بأتحدى بالناس في مصر وفهمهم للعالم كله علشان يشوف اللي مش عايز يشوفه، ويجي يقولك تغيير بالقوة.. لا لا ده ناس.. ده ملايين المصريين خرجوا”.
وتابع:” اللي حدث في 30 يونيو ده غير مسبوق وأمر لازم الناس كلها تتوقف أمامه، أصحاب الأفكار وأصحاب العقائد.. ليه الناس خرجت كده.. هي قلوب الناس دي مش بيدي الله ولا إيه.. مش بيقولوا القلو بين إصبعي من أصابع الله، طيب إزاى ربنا يحرك الـ30 مليون دول”.
