دار نقاش هام بين الرئيس عبد الفتاح السيسى، وأهالي قرية الأبعادية بالبحيرة، على هامش افتتاح عدد من مشروعات “حياة كريمة”.
وقال الرئيس عبد الفتاح السيسي، لأهالي قرية الأبعادية بمحافظة البحيرة: “سعيد إن أنا أشوفكم النهارده وأفطر معاكم.. اللي أنا شفته النهارده في القرية يعني يخلينا نُصِر ونستمر بفضل الله سبحانه وتعالى في اللي إحنا بنعمله ده لغاية ما نخلص كل قرى الريف المصري مش بس المرحلة الأولى”.
وأضاف: “شوفوا الكلام ده بقولوا ديما وقلته من بدري أوي.. قلت إن إحنا ماحدش يقدر يعمل حاجة لوحده.. لا حكومة ولا رئيس ولا مؤسسات لكن نقدر مع بعض.. وأنا قلت الكلام ده.
وأضاف: التحديات الموجودة جوه مصر كتير وزي ما شفتوا لما بدأنا في حياة كريمة الرقم كان في البداية 200 و250 مليار.. والموضوع دلوقتي وصل لـ350 مليار دلوقتي للمرحلة الأولى وقلنا المرحلتين التانيين هيكملوا أكتر من تريليون جنيه يعني ألف مليار”.
