الرئيس السيسي يفتح قلبه للمصريين: العالم يمر بأزمة كبيرة وبنحاول ألا تنعكس على حياة الناس

فتح الرئيس عبدالفتاح السيسي، قلبه للمصريين خلال كلمة له اليوم الخميس 2 مارس 2023، على هامش افتتاح عدد من مشروعات المبادرة الرئاسية حياة كريمة بمحافظة المنيا.

وقال الرئيس السيسي: “الأزمة اللى بتمر بالعالم أزمة كبيرة، ومش ببالغ في ده، وأكيد انتوا متابعين اللى بيحصل .. بنحاول بقدر الإمكان ألا ينعكس على حياة الناس أكتر من اللازم”.

وأضاف: يعني تقول بعد كل الضغط اللى احنا فيها دي وانت بتقول بتحاولوا متخلوش الآثار تبقى قوية علينا صدقوني اه بنحاول.. طيب السؤال بقى انت مش خايف؟.. أنا مش خايف لأن ربنا موجود، وهو قادر”.

وتابع الرئيس: “أثناء لقاء الإفطار مع أهالينا في المنيا فيه شابة قالتلي عاوزة اسالك سؤال قلتلها اتفضلى بتقولى انت مش خايف؟ قلتلها لا مش خايف، تقصد إن هي عاوزه تطمن على بكره، وده أمرمهم قوي، وبقول دائما عاوزين يعملوا حاجة واحدة بس.. يفقدوكم الثقة في أنفسكم وفينا، دا المطلوب يعملوه”.

أكمل الرئيس: “عاوز أقول حاجة الكلام مش للناس اللى في القاعة .. الكلام ده بقوله لكل الناس الموجودة في مصر وبتسمعنا “أنا مش قلقان خالص والإجراءات اللى بنعملها بنحاول نخفف الآثار الصعبة للأزمة على الناس كلها، ودايما بنتحرك ونفكر والتفكير بتاعنا وربنا بيهدينا بالإجراءات اللى تسهل الأمور “.

وشارك الرئيس عبد الفتاح السيسي، صباح اليوم الخميس 2 مارس 2023، في افتتاح عدد من المشروعات الجديدة بمحافظة المنيا، وحرص على لقاء عدد مع المواطنين بقري حياة كريمة.

وتفقد الرئيس السيسي عقب وصوله مشروعات المبادرة الرئاسية “حياة كريمة”، وما تم إنجازه من تنمية وتطوير في المحافظة وقراها وكذلك مدينة المنيا الجديدة، في إطار جهود الدولة لتوفير حياة كريمة للمواطنين في صعيد مصر.