الرئيس السيسي يفرض عقوبات صارمة على المعتدين على أراضي الدولة.. الحرمان من الدعم التمويني والخبز.. ويطالب المصريين بالتعاون مع الدولة في تنفيذ المشروعات القومية

افتتح الرئيس عبد الفتاح السيسي، اليوم، محطة معالجة مياه مصرف بحر البقر بشرق بور سعيد، التي تعد الأضخم من نوعها على مستوى العالم بتكلفة حوالي ٢٠ مليار جنيه.

كما تعمل المحطة بطاقة إنتاجية ٥,٦ مليون متر مكعب في اليوم من المياه المعالجة ثلاثياً، يتم نقلها إلى أراضي شمال سيناء.

ويستعرض “الحكاية” أبرز تصريحات الرئيس السيسي خلال الافتتاح، حيث جاءت تكليفات الرئيس للحكومة بضرورة مواجهة عقوبات التعدي على الأراضى الزراعية، كإنذار لكل متعدٍ على حقوق الدولة.

أكد الرئيس كذلك أنه لن يقبل بالتعديات على أى جزء من أراضى الدولة المصرية: «أي ممارسات سلبية مش هتبقى مقبولة، وإذا كانت مقبولة قبل كده أنا مبعرفش أعمل كده، مبعرفش أطنش، لو كنت أعرف أطنش كنت طنشت في 2011 و2012 و2013 وسيبت البلد للمجهول».

ودعا السيسي، الشعب المصري إلى التعاون مع الدولة في مشروعات نظم الري الحديثة وتبطين الترع وغيرها من المشروعات القومية: «حطوا إيديكم معانا لأنها مصلحة واحدة، ومصلحة وطن ومصلحة بلد، عشان بلدنا تاخد مكان أفضل من المكان اللي كانت موجودة فيه».

وخلال كلمته، أكد الرئيس على اتخاذ إجراءات من أجل مواجهة التعديات على الجسور وموارد الدولة المصرية، من بينها وقف أي دعم تقدمه الحكومة مثل الخبز والتموين وغيرهما لأي مواطن يقوم بتلك التعديات.

وأضاف الرئيس أن الدولة تعالج المياه كي يتم استخدامها مرة أخرى «المياه اللي هتطلع من المعالجة تكفي 500 ألف فدان، وكتير من اللي بيسمعونا هيقول علشان نزرع 500 ألف فدان نصرف 160 مليار؟.. هو رقم كبير أوي صحيح”.

وأكد أنّه لن يقبل بأي تعدٍ على قدرات وجهود الدولة المصرية طوال السنوات الماضية لتحسين أحوال مواطنيها، متابعا: «زي ما بعمل تبطين للترع وبعمل إجراءات فوق الخيال، وأنا عارف بقول إيه، اللي بيتعمل في مصر فوق الخيال، يبقى مش هقبل إن حد يتعدى على قدراتنا».

تنمية سيناء

قال الرئيس عبدالفتاح السيسي، إن كل أنحاء الدولة المصرية تشهد تنمية كبيرة على غرار ما يحدث في سيناء، موجها كلامه للمسؤولين: «من فضلكم خدوا الضيوف والإعلاميين كلهم ولففوهم على كل ما يحدث في مصر، اللي بيتعمل ده هتشوفوه في الدلتا الجديدة وتوشكى والمليون ونصف فدان، والمدن الجديدة والمدارس والمستشفيات».

وأضاف السيسي: «محتاجين نخلي بالنا من حاجتنا وأرضنا الزراعية والمنشآت الموجودة عليها، والدولة المسؤولة عن تنفيذ ده حتى نستعيد الانضباط والالتزام.. القانون موجود واللي بنتكلم فيه هو تنفيذ القانون، مش هنكون قُساة، لكن هنضطر نتعامل مع التجاوز، لأن ده مستقبلنا».

ووجه السيسي حديثه للمصريين: «لازم نشكر ربنا لأنه بيساعدنا وبيعنا على إتمام كله هذه الإنجازات»

وأضاف: «بقول للمصريين إن اللي بيتعمل في الدلتا الجديدة أكبر من المشروع ده؛ لأننا بنستهدف 7 مليون متر وبرضو هننقلهم بالطريقة دي وترع مكشوفة علشان نزرع المستهدف الـ2 مليون فدان في الدلتا.. إحنا لازم نشكر ربنا أوي والله إنه أعنا وبيساعدنا إننا نعمل كدا».

ولفت الرئيس السيسي، إنّ الدولة المصرية تنفذ حاليا مشروعات تقدّر بالمليارات، لاستكمال عملية التنمية التي بدأتها، متابعا: «بنعمل كده عشان نقدر نقول إن سيناء فيها تنمية حقيقية، والقوات المسلحة مسؤولة عن تأمين الأعمال دي، لأن الإرهابيين مش عاوزين».

واختتم الرئيس: «بنعمل محطة جديدة في الحمام، وماحطيناش قوات تأمنها عشان مفيش خطر، لكن في سيناء كل خطوة بنعملها محتاجة تأمين، لأنه صراع بين الأشرار والإرهابيين وبين التنمية في سيناء، في قوات بتأمن حركة العمل دي لحد ما تخلص، ويمكن نبقى محتاجين ده بعد كده».