قالت الفنانة صفاء جلال، إنها بعد قيامها بتجسيد دور الراقصة في مسلسل إمرأة من زمن الحب، اشترط عليها زوجها بعدم تجسيد مثل هذه الأدوار مرة أخرى، وتابعت:” جوزي قالي مش هتعملي دور رقاصة تاني، وهو قالي احنا هنكمل تمثيل بس بلاش دور رقاصة تاني خالص فعشان كدا معملتش دور رقاصة”.
وأضافت “جلال”، خلال لقائها ببرنامج “كلام الناس”، والمذاع عبر قناة ام بي سي مصر، أن مشروع الزواج يقوم على للتفاهم والاحترام، وتابعت:” الجواز لا زم يكون في حاجات كتير احنا الاتنين بنشوف ايه اللي يزعل التاني ومنعملوش، ودايما أول لما الدور بيجيلي لو فيه اي محاذير أخلاقية مش بعمله حتى لو بيعملي اي هوالحمد لله احنا بقالنا دلوقتي 24 سنة مع بعض”.
وتابعت:” الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك”.
