تساءل الرئيس عبدالفتاح السيسي، عن أسباب التعدى والبناء على الأراضى الزراعية، قائلا: عيب مين؟، يقولك المحليات مش قادرة، ما هو السبق بتاع التعدي كبير، مضيفا: “تقول إنت بتكرر الكلام، بكرره علشان أسجل مواقف على نفسى، وعلى والحكومة، وعليكم، لأن القضية مش بتاعتي لوحدى ولا الحكومة وحدها، دى قضية دولة”.
وأضاف الرئيس السيسي خلال افتتاح عدد من مشروعات إسكان بديل المناطق غير الآمنة: “اذا كنتم تريدون أن تكون دولتكم ذات شأن، بقول الكلام ده للإعلاميين والمثقفين والجامعات بدراسة هذا الكلام وتقول نعمل فيه ايه؟ هذا الكلام يعكس 40 % من مساحة مصر.. دراسة الكلام اللى إحنا فيه وتقول نعمل فيه إيه؟.
وعن قضية المخلفات، قال الرئيس: “المخلفات موضوع مشترك بين الدولة والمواطن..عمل المباني المخططة أقدر أعمل نظام صحى لإزالة المخلفات.. بقالنا 3 سنين نتفاوض مع شركات النظافة واتفقنا، لما جينا نتكلم مع الشركات والتنمية المحلية والبيئة تعرض عليا الموضوع لقينا حجم القضية، الدولة بتجمع من المواطنين مقابل النظافة 800 مليون جنيه، وتكلفة في القاهرة فقط 2.5 مليار جنيه.
وتابع الرئيس: “ماعندناش نظام في المباني هايبقى كفاءة أعمال النظافة مش هاتبقى بنفس المستوى، كنت ماشى من كام يوم في محور الفريق العصار، لقيت ناس رامية مخلفات في نص الشارع، ولما حطينا عربيات صغيرة الناس رفضت إن العربيات تبقى موجودة جنبهم طيب هانعمل إيه؟”.
وشدد الرئيس عبد الفتاح السيسي، على ضرورة حل مشكلة المخلفات والقمامة، ومواجهة البناء غير المخطط، مشيرًا إلى أن حجم المخلفات يصل لـ 40 مليون طن، مستطردًا: “أي قضية اتكلمنا فيها نهتم بها كدولة وحكومة ومواطنين، ولا يمكن النجاح فيها إلا إذا كنا جميعًا مع بعضنا البعض”.
وتحدث السيسي، ، عن البناء غير المخطط وآثاره علينا، مضيفًا:” نحتاج لعمل برنامج نظافة كويس.. وسنواجه مشاكلة البناء غير المخطط.. وفي هذه الحالة أمامي خيار من اثنين، يا أشوف وأسكت.. يا أشوف واشتغل.. وأنا معرفش أسكت وأنتوا متسكتوش ولازم أحل القضية.. حيث أن حجم المخالفات التي تصدت لها الحكومة في الـ 3 سنوات الماضية 2.8 مليون.. ودى مش قضية رئيس ولا حكومة بل دولة وناس”.
وواصل الرئيس السيسي حديثه قائلا:”ياجماعة فيه دولة فى العالم حجم مخالفاتها 2.8 مليون، لا لازم نخلى بالنا من نفسنا شوية.. وإحنا بنحاول نصلح”.
