وجه الرئيس عبدالفتاح السيسي، الشكر للحكومة على جهدها وعملها الجاد خلال الفترة الماضية.
وعن توقيتات إنهاء الأعمال قال الرئيس السيسى : «أنا مستعجل أكتر من كده معاكم علشان نقدر نحقق اللي انتوا عاوزينه، وهقف عند تطوير ميناء الإسكندرية والسخنة، وهقول لينا في مصر وللحكومة على مدى سنين طويلة فاتت كنا لما بنيجي نتكلم على مشروعات زي كده كنا بنطلب مستثمرين، زي ميناء دمياط وغيره، وكنا بنقولهم يدخلو يشتغلوا، وده مسار الدولة مشيت فيه قبل كده».
وأضاف الرئيس السيسي، خلال احتفالية تطوير ميناء الإسكندرية البحري: «إحنا بنقيم دايما المسار اللي إحنا ماشيين فيه واللي ممكن نمشي فيه، وكان الكلام قبل كده شوفوا حد ييجي ويشتغل، ولكن إحنا دلوقتي بنعمل حاجتنا وبفلوسنا، ويتكلف 10 أو 20 بنعمل.. إحنا طبعا عاوزين المشغلين معانا والمستثمرين، ولكن علشان نسهل علينا وعليهم بنعمل».
