تحدث الرئيس عبد الفتاح السيسي في احتفال قادرون باختلاف في نسخته الرابعة المقامة حاليا بقاعة المنارة للمؤتمرات، ردا على محمود أحد المتواجدين، ازاي مصر توصل لكأس العالم.
وقال الرئيس عبد الفتاح السيسي:”مفيش حاجة أبدًا تقدر تتحقق بدون جهد وإصرار، أنتم مثال بالنسبة لنا أسركم قالت لأ هنبذل مجهود ومصرين على بذل جهد عشان النهاردة يا محمود تبقى موجود ومش بس محمود في أسر كتير مجاتلهاش الفرصة إن هي تبقى معانا فوق كدا نشوفها”.
وأضاف: “فإذا كنا بنتكلم عن الكرة، الكرة مش لعبة زي ما شوفت كده الدنيا كلها بتحب تلعبها وبتحب تتفوق فيها، لو إحنا عايزين في مصر هل إحنا معندناش شباب وإحنا عندنا 105 مليون، إن شاء الله منهم 60 شاب؟.. لا عندنا بس مهم قوي إن إحنا نعرف نشوفه ونختارهم ثم ندربهم ونصر عليهم، ده النص بتاعنا”.
وأوضح:” النص بتاعهم هم اللي هو النص بتاع اللعيب إن هو يعرف إن الرحلة طويلة محتاجة جهد كبير جدًا جدًا يعملوا في الملعب ويعملوا حتى مع نفسه عشان يحقق ده، لا هي المسألة فقط إننا نجيب مدربين كويسين ولا إن إحنا نوفر ملاعب كويسة، لا الموضوع على بعضه متكامل بين الدولة والأسرة اللي عندها أبناء شايفاهم عندهم فرصة وبين الشباب، لو قدرنا نعمل كدا هنقدر نوصل ونحقق حجات كتير”.
