وجه الرئيس عبد الفتاح السيسي، الشكر للمشاركين فى المائدة المستديرة حول مستقبل الطاقة، مؤكدا أن مصر مستعده للتحرك بقوة لتنفيذ الاستثمار فى الهيدروجين الأخضر، استقبال آلاف الميجاوات من الطاقة المتجددة
وقال الرئيس السيسي خلال كلمته اليوم في المائدة المستديرة “الاستثمار فى مستقبل الطاقة: الهيدروجين الأخضر”، يطلق مبادرة “المنتدى العالمي للهيدروجين المتجدد”: “أشكركم جميعا على الطرح في المناقشات.. سواء كان من رؤساء الدول أو رؤساء الحكومات أو الشركات.. أو كل اللى اتكلم ادانا فرصة للحديث عن هذا المجال.. واتفق مع المستشار الألمانى.. حان وقت التنفيذ الحقيقي والاستعداد مش للمخاطرة.. ولكن التحرك الفعال والحاسم لتنفيذ كل الكلام والنقاش اللى احنا اتكلمنا فيه وبنتكلم فيه قبل كده”.
وأضاف الرئيس السيسي: : أنا التقيت بكثير من رؤساء الشركات اللى موجودين هنا على الطاولة.. كلامي دايما أننا مستعدين للتحرك بقوة.. اللى عاوز أقوله مش بس على مصر ولكن الكلام المهم اللى اتقال الدول الأفريقية.. مستعدين للتحرك وبسرعة لتلبية التخطيط والفكر المستقبلي لإنتاج الهيدروجين والطاقة المتجددة.. لأن ده هيخدم الدول النامية للتقدم.. وموضوع المناخ حريصين على التحرك فيه وبسرعة”.
