وفي وقت سابق، أكد الرئيس عبد الفتاح السيسى خلال جلسات مؤتمر “حكاية وطن”، أن الحكومة المصرية تحولت إلى نظام مغلق يحمي بياناتها من الاختراق، وذلك بعد جهود استمرت خمس سنوات.

ووجه الرئيس السيسى حديثه لوزير الاتصالات الدكتور عمرو طلعت، قائلاً: “يعني أنت يا دكتور جيت على الحكومة والجهد اللي اتعمل فيها والبنية الأساسية اللي اتكلفتها، سواء كان البنية الأساسية داخل كل وزارة أو بين الوزارات ومراكز البيانات المؤمنة، دا اتكلف كام الأولاني؟ الانتقال للعاصمة الإدارية الجديدة، الميكنة بتاعتها، بديك فرصة تقوله، الناس متصورة، كلكم صورتوا وخدتوا الفيلم بتاع المباني من برة”.

وأضاف الرئيس السيسى: “ماحدش دخل جوا وصورلي الناس بتشتغل إزاي وبتعمل إيه، الموضوع دا مهم أوي عشان عاوزين نقول للناس، بيانات الحكومة المصرية، ودا قليل من الدول اللي عملت دا، عملت حاجة مغلقة، واشتغلنا بقالنا خمس سنين عليه ولا يمكن حد يقدر يدخل على الحكومة يعمل لها شلل”.

وتابع الرئيس السيسى: “الناس متصورة لما احنا بنقول الدولة بتدار بشكل متقدم تتجاوز به الإشكاليات بتاعة الجهاز الإداري للدولة من خلال النظم الحديثة، وكل كلمة بتقولوها هنا بتتحول لجهد وتكلفة مالية ضخمة، مراكز البيانات دي أنشئت بشكل محصن بمليارات الجنيهات، بتكلم في الإنشاء خرسانة مش قواعد بيانات ولا سيرفرات جبتوها، عشان تحقق لكم عمل مغلق محكم مؤمن لا يستطيع أحد يخش عليكم في أي وقت مهما كانت قدراته”.