علق الفنان محمد الشرنوبي، في تصريحات صحفية له، عن تجارب كثيرة في حياته منهم الزواج والطلاق وأيضًا أفضل الأماكن المفضله له في السفر حول العالم.
وقال الشرنوبي، :”بحس إني نضجت بدري وبدأت شغل بدري جدًا ودخلت تحديات كبيرة مع الحياة بدري واتجوزت وطلقت بدري، وعملت كل حاجة في حياتي بسرعة”.
وأضاف : “لما بحب أبقى رايق بحب أسافر خاصة سيناء، أكثر حتة في الدنيا بتخليني هادي ورايق وهمومي كلها بتسقط، بتروح فجأة مبتفكرش في أي حاجة، ولا تمسك موبايلك، فجأة بتحس إن الهم اللي على قلبك بيختفي دي حاجة إلهية جدا ملهاش تفسير، سافرتالمالديف وحتت تانية كتير مفيش حاجة زي سيناء”.
وأختتم : “في فرق بين اللحن والتوزيع، والناس دائما فاهمة العكس واللحن الكلمة لما بتتغنى، والتوزيع بيكون من لما بتبتدي تحط مزيكا علىالألحان عشان تطلع أغنية وبيكون كلمات مصاحبه لـ اللحن”.
