كتب – أحمد عادل:
كشفت الفنانة ياسمين عبد العزيز، في حوارها مع الإعلامية منى الشاذلي في برنامج، عن تفاصيل فترة مرضها، والوعكة الصحية التي مرت بها في الفترة الماضية.
اقرأ أيضًا.. ياسمين عبد العزيز تكشف تفاصيل حالتها الصحية وتؤكد:” أنا ست حمولة ومش شكاية
ويستعرض موقع الحكاية خلال السطور التالية أبرز تصريحات الفنانة ياسمين عبدالعزيز عن رحلة مرضها:-
– مكنتش متخيلة إني هطلع في برنامج أتكلم عن فترة مرضي.
– كنت داخلة اعمل عملية جراحية كنت متعودة اعملها ، وأول مرة عملتها كان عندي 16 سنة.
– كنت متعودة اعمل العملية دي وبكمل حياتي بشكل طبيعي ومحدش يعرف حاجة”، مضيفة: “بعد الانتهاء من مسلسل اللي مالوش كبير قررت اعمل العملية الجراحية.
– لما سألت الدكتور قالي العملية هتتعمل في 3 ساعات ودخلت اعمل العملية ومحدش كان يعرف.
– لما طلعت من العمليات شعرت بآلام رهيبة وكنت بصوت وشعرت بآلام لم اشعر بها من قبل.
– بعد العلمية كنت بقول لهم انا بموت وكنت أشعر بآلام رهيبة، وكنت احصل على مسكنات كثيرة لتقليل الألم.
– بعد العملية عرفت إن القولون اتخرم عندي وجالي تسمم في الدم.
– الدكتور عصام شلباية انقذ حياتي بعدما حدث خطأ في عملية جراحية اجريتها والقولون اتخرم وجالي تسمم في الدم.
– الدكتور كان بيقولي إن الموضوع صعب ومعقد وقالي أنا داخل العملية والدنيا بايظة خالص.
– انا داخلة العملية كنت عارفة إني مش هطلع منها، وقلت لأخويا الكبير خلي بالك من ولادي.
– بعد لما طلعت من العملية دخلت العناية المركزة وحطولي خراطيم من مناخيري ومن بوقي وعندما كنت متواجدة في العناية كان الأطباء بيقولوا ادعولها لان الحالة صعبة.
كنت في العناية المركزة كانت حالتي صعبة جدا والاطباء كانوا بيقولوا ادعولها .
-الجهاز اللي دخلت عليه في العناية المركزة لو 100 فرد دخلوا عليه مش بيطلع إلا 10 فقط عايشين.
– من أول عملية اجريتها وحتى العناية المركزة كنت في شبة غيبوبة ومش فاكرة حاجة خالص .
– مكنتش بتكلم أو بمشي أو اتناول الطعام، ولما كنت في العناية المركزة كل لما أنام بشوف كوابيس وجالي وقت مكنتش قادرة أكمل من التعب والألم وقلتلهم شيلوا كل حاجة أنا مش هكمل.
موضوعات ذات صلة..
ياسمين عبد العزيز: بعد ما فوقت من العملية لقيت أمعائي برة بطني ولم أقاضي الطبيب
ياسمين عبد العزيز: قبل العملية باسبوع التربي بعتلى فيديو بيجهزولى التربة
