قال عادل سالم الممرض صاحب واقعة الإهانة من طبيب جامعة عين شمس، إنه قام بالادلاء بكفة تفاصيل الواقعة في التحقيقات التي جرت اليوم مؤكداً أنه وقت الواقعة لم يكن قادراً على الحديث فقط كان جل تفكيره أن يخرج من ذلك الموقف السخيف، وتابع: ” انا راجل بسيط جداً وبحب شغلي ووقت الواقعة مكنتش أققدر أعمل حاجة لان الي حصل كان من أستاذتي الكبار كنت بفكر بس اخرج من الموقف ده.. انا مكنتش أعرف ان ده يحصلي الطبيب إستدعاني وكنت فاكره عاوزني في شغل لحد مافوجئت بالي حصل ده وتم إغلاق الباب وقتها ولم استطع الخروج كان فيه حد واقفلي على الباب منعني من الخروج “.
وأضاف الممرض، خلال مداخلة هاتفية ببرنامج “كلمة أخيرة”، الذى تقدمه الإعلامية لميس الحديدى، عبر قناة “ON”،:”أنا فوجئت بالواقعة وكنت عاوز أخرج من الموقف بالشكل ده ومكنتش أعرف أني بتصور وفوئجت بحد بيكلمني بيقلي شفنا الفيديو وفكرت حد بيهزر من زمايلي أو الاطباء وقفلت السكة في وشه وقلتله أنا في عملي لكن فيه حد من المستشفى قلي رد على الي بيتكلم دي جهة سيادية بتحقق.. مكنش هزار ودخل معايا في الواقعة على طول وقلي إزاي تقول على الكلب بتاعي كده؟! والحكاية دي حصلت من ستة اشهر ..أنا ولادي عندي بالدنيا ومش عايز أتكلم كتير في الموضوع ده وانا أدليت بأقوالي في التحقيقات النهاردة “.
وتابع الممرض وهو يجهش بالبكاء، :”أنا مش عارف أخرج من البيت ولا عارف أمشي وافكاري بتروح لحاجات كتيرة في غشارة إلى الانتحار، كاشفاً أنه تواصل مع الطبيب صاحب واقعة الاهانة قال له : ” الموضوع بسيط ياعادل لاتقلق ولما وجدته في التواصل الاجتماعي وشاشات التلفاز تعرضت لانهيار”.
