كشف الدكتور محمود صلاح، الكاتب والباحث في علوم ما وراء الطبيعة، تفاصيل وخبايا جديد في قضية زلزال المغرب، الذي وقع منذ أيام قليلة، وأكد على إنه مثل هذه الزلازل في جميع البلاد تحدث بسبب فعل فاعل.
وقال محمود صلاح خلال حلقة استثنائية قدمتها قناة هي، من تقديم الإعلامية سارة نخلة وفرح شعبان ومروة عزام: الحقيقة لازم نقول هل هناك ما يطلق عليه اسم علم الفلك أو الأبراج اللي يسمح لينا نعرف الزلزال اللي هيحصل لا، لا طبعا لا يعلم الغيب الا الله، ومعنى إننا نلاقي إن هيحصل زلزال في تركيا ويحصل فعلا ثم يتقال هيحصل في المغرب ويحصل فعلا ده خارج إطار التنبؤات.
وتابع: تعازينا للمغرب واهلها ولما نلاقي ناس بيأكدوا ان في حوادث هيموت فيها آلاف من الناس ده معناه إن في معلومات بتصل إليهم وليست تنبؤات منهم، هناك جانب من العلوم مختص بدراسة هذه الظواهر وهناك جهاز معروف للباحثين وبإمكانه إحداث الزلازل ومن ضمن الحاجات اللي تخلينا نتأكد إن الزلازل مصطنعة إننا بنلاقي أضواء غريبة بتظهر وأصوات غريبة وده ملوش علاقة بأي حاجة طبيعية، ثم يتبعها زلزال وده اللي حصل في زلزال سوريا وتركيا والمغرب.
وأضاف محمود صلاح: أنا لا اؤمن بنظرية المؤامرة لكن لما ألاقي أشخاص بيأكدوا حدوث زلزال في منطقة ما ويحصل فعلا يبقى لازم أقلق، ولماذا لم تظهر التنبؤات من قبل، زلزال المغرب مصطنع، دي قاناعاتي والظواهر اللي حصلت قبل الزلزال في تركيا حصلت قبل زلزال المغرب، ومش هذكر شخصية بعينها لكن في شخص ماسك ورقة وبيقول هناك زلزال قادم.
وأردف صلاح: لازم الناس دي يتحاسبوا ونعرف مين اللي بيديهم المعلومات دي ونفس الشخصية طلعت قالت ان هيحصل زلزال في مصر، زمان لما اتكلمنا في هذه الامور مكنش حد بيصدق، هناك منظمات معروفة على مستوى العالم بتنشر الفيروسات زي كورونا، وألمانيا أعلنت انه فيروس تخليقي، يجب أن نتأكد إن هناك منظمات تتلاعب بمصير الشعوب وفي الآخر الناس بتفقد ثقتها في الأديان بتاعتها، بيهدفوا إلى إحداث البلبلة.
واختتم محمود صلاح حديثه قائلا: مثل هذه المنظمات معروف نشاطاتهم على مستوى العالم، في بعض الدول مدركة ده تماما وأثق ان مصر تعلم جيدا ان هناك مخططات، ولكن الحمد لله قادرين على تخطيها والحوادث دي هتستمر في الحدوث، منقدرش نقول ان في مخططات تخص مصر او بلد معينة، إحنا بنفسر حسب الدلائل اللي تحت ايدينا.
https://fb.watch/m_xGMb8uwl/?mibextid=hubsqH
