أشادت الإعلامية بسمة وهبة، بما شهدته مصر من مشروعات ونهضة تنموية خلال السنوات القليلة الماضية في الفترة ما بين 2013 لـ 2021، مشيرًة إلى أن مصر لمت شتات نفسها وكل مشاكلها وجمعتها وحلت اللغز وصنعت صورة واضحة الملامح لوطن قوى صاحب قرار وسيادة، وتابعت:”طول السنين اللى فاتت الدولة دى كانت بتجمع قطع البازل بصبر وتركيز وهدوء وذكاء .. وتحدت العالم كله، وتحدت كل أصحاب الخطط والمؤامرات اللى كانت بتستهدف المنطقة وكسبت التحدى وخلقت مصر صورة واضحة الملامح بعيد عن الصور اللى كلها فوضى وعشوائية وانفلات وعدم استقرار لبعض الدول اللى في المنطقة “.
وأضافت الإعلامية بسمة وهبة، خلال برنامجها “90 دقيقة” المذاع على شاشة “المحور”، :”الرئيس عبد الفتاح السيسى قدر ينقذ البلد دى من كل المخططات اللى كانت بتستهدف المنطقة .. وأخذ بإيد مصر كده وخرجها بعيد عن دائرة الفوضى والعشوائية ورسم لها صورة الدولة القوية اللى قدرت تحل مشاكلها الاقتصادية “.
وأوضحت أن الرئيس السيسي تمكن من هزيمة الإرهاب وجعل مصر تفرض كلمتها كمفتاح حل للقضايا الإقليمية والدولية وتبنى نفسها وتقدم نفسها للعالم ككيان جاهز للمستقبل على المستوى الاقتصادي والأمني والتعليمي والصحي.
وتابعت :”عشان كده لو بصينا مع بعض هنلاقى صورة مصر النهاردة صورة مختلفة بين كل دول المنطقة .. سيادة الرئيس كان بيستقبل النهاردة رئيس رومانيا” كلاوس يوهانيس”، اللى أكد على كلامنا اللى قلناه من شوية لما قال في المؤتمر الصحفى :: إن مصر دولة هامة في المنطقة، فمصر تلعب دورا حيويا في الحفاظ على الأمن على المستوى الإقليمى والدولى”..بينما أكد الرئيس عبد الفتاح السيسى في نفس المؤتمر إن مصر بتجمعها علاقات متميزة مع رومانيا في مختلف المجالات خصوصا الطاقة والإستثمار”.
