علقت الإعلامية بسمة وهبة، على مقطع الفيديو الذي تداوله منصات التواصل الاجتماعي لاعتداء الداعية الإسلامي مبروك عطية على مصلٍ في مسجد، قائلة: “مش معقول كل يومين تلاتة نعيش في جدل وخناقة بسبب مقطع فيديو يظهر فجأة على السوشيال ميديا، ويشغلنا وننشغل معاه، وننسى نناقش القضية الرئيسية في الحدوتة بتاعة الفيديو”.
وأضافت “وهبة”، خلال تقديمها حلقة اليوم، الثلاثاء، من برنامج “90 دقيقة”، على قناة “المحور”، أن الفيديو غريب، لأن الشيخ له درس في المسجد بعد صلاة الفجر، وعندما سمع أحد الحاضرين يتكلم انفعل كثيرًا، وقام من مجلسه، لكي يتعامل مع الموقف كمدرس في مدرسة: ” سمع واحد تانى بيعترض ومش عاجبه اللى حصل فراح لحد عنده بأداء مسرحى وقرر أنه يشيله هيلة بيله عشان يخرجه بره المسجد “.
وأشارت بسمة وهبة، إلى أن المشهد لم يكن جيدًا على الإطلاق، وبخاصة أن الشيخ مبروك عطية عالم دين: “المشهد ده مش حلو ولا ظريف ولا ينفع حتى يكون شو من الشوهات بتاعة الشيخ مبروك عطية، لأن ده أولا درس دين، ولأن الشيخ رجل دين، ودى مينفعش تكون تصرفات رجل دين خالص المفترض في حضوره أن يكون وقور وهادئ ويستوعب كل الناس حتى اللى بيعترضوا عليه”.
وتابعت، أن “الشيخ مبروك معملش كده ورسم صورة هزلية الحقيقة لدرس الدين ولرجل الدين، مش معترضة على إن الشيخ مبروك عنده طريقة خاصة بيه، ولا إنه بيحاول يوصل رسايله وكلامه بروح خفيفة ومرحة، لكن في شعرة بين البساطة وبين الشو اللى ميليقش أبدا برجل الدين”.
وقالت “وهبة”، “ثم لازم نقف هنا قدام حكاية دروس المساجد، هو في دروس بعد الفجر، هي مش وزارة الأوقاف نظمت موضوع الدروس ده عشان نمنع أي حد غير مرخص ليه انه يتكلم مع الناس أو يستغل المسجد ويبقى وسيلة للعب في عقول الناس، الدكتور مبروك على رأسى من فوق، بس في نفس الوقت لو سبنا الباب مفتوح هنرجع تانى للهيصة والفوضى بتاعة زمان”.
