تعرضت الفنانة هاجر أحمد لأزمة صحية مفاجئة، أدت إلى دخولها المستشفى، وذلك بعد أيام من تلف حقيبتها ماركة دايور العالمية.
ونشرت هاجر أحمد صور لها على حسابها الشخصي على انستجرام أثناء تلقى العلاج فى المستشفى، تحت أجهزة التنفس الإصطناعي.
وفي وقت سابق قدمت الفنانة هاجر أحمد شكوى إلى جهاز حماية المستهلك ضد مغسلة تسبب لها في إتلاف حقيبة غالية الثمن من ماركة عالمية .
ورفعت هاجر أحمد منشور على جروب خاص بشكاوى جهاز حماية المستهلك على موقع التواصل الاجتماعي فيس بوك وقالت: تجربتي السيئة مع مغسلة، ليها فروع كتير في القاهرة الجديدة.
وتابعت هاجر أحمد:“من حوالي شهرين ونص، اتصلت بيهم اسألهم أن عندي شنطة غالية نوعها كريستيان ديور باهظة الثمن، وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟، قالوا لي طبعا يا فندم إحنا كل شغلنا شنط ماركات وشنط غالية، للعلم أن سعرها الشنطة حاليًا تقريبًا 5000 دولار”
وأضافت: لأني عارفة إني لأزم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا، بعد ما تواصلت معاهم أكدوا لي أنهم يقدروا ينضفوها بسهولة، وأنهم كمان بيستخدموا نفس المواد الكريستيان ديور بيستخدموها.
واستكملت: قُلت أنا هديكم الشنطة وشوفوا هتعرفوا ولا لأ، لو لا ابعهتوهالي، وأكدت عليهم فوق الـ 50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعًا.
وتابعت هاجر أحمد: اتصلت بيهم قُلتلهم بصيتوا على الشنطة ولا لأ، قالوا لي طبعًا سهلة جدًا وهتوصل خلال أسبوع متقلقيش، قُلت تمام وأكدت أنها مش بتتغسل بمياه ولا بتدخل غسالة، قالوا لي لا طبعًا لا مياه ولا غسالة ليها مواد معينة.
موضوعات ذات صلة
رد لجسدي عافيته يارب.. هاجر أحمد تمر بوعكة صحية
تابعونا على صفحات موقع الحكاية الرسمية
Elhekayah TV – تليفزيون الحكاية
