علق الإعلامي عمرو أديب، على ارتفاع أسعار البيض، قائلا:” لنا اتكلمت قبل كدة على أسعار البيض الناس قعدت تعمل نُكت وحوارات”، وتابع:” يا جماعة الأسعار بتزيد في معظم الدول، لكن بيفكروا في حلول، والوضع ليس سهلًا، وكل همنا سعر الجبنة البيضة بكام ودلوقتي بقت بكام”.
وأضاف “أديب”، خلال تقديمه لبرنامج “الحكاية”، والمذاع عبر قناة ام بي سي مصر، أن الأشهر القادمة أصعب أيام الأزمة، وأنا بقولكم أهو الأسعار أقوى من أي حد، وبتهرس أي حد، وتابع:” يجب على الدولة أن تتحدث مع الناس، وهل إحنا كمواطنين قررنا نقاطع السلع المرتفعة السعر؟ يا جماعة ده زمن تجار الغذاء.. وأي حد عنده فدانين خيار الله يسهلّه، فين الترشيد؟ لو سمحتوا درجة حرارة التكييف تكون عالية.. وبلاش تولعوا النور كتير، واللي بياكل بيضتين كفاية واحدة.. وطبعا بعد الجملة دي هتطلع نكت جديدة بس مش مهم”.
وتابع:” ياريت كل مجموعة يركبوا عربية مع بعض علشان نوفّر.. الدنيا مش زحمة يا جماعة.. والفترة الجاية صعبة”.
