علقت الإعلامية ياسمين عز، على فيديو عمرو يوسف وكندة علوش خلال تكريمها بأحد المهرجانات، المنتشر عبر مواقع التواصل الاجتماعي، قائلة: “الناس عمالة تكتب أد ايه عمرو يوسف سند لـ كندة علوش .. وإنه وقف جمبها .. وإنه في أي مناسبة بيكون معاها وفي ضهرها .. كلام جميل ولكن ده الطبيعي أصلا أن يكون الراجل واقف جمب مراته والعكس صحيح”.
وأضافت “عز”، خلال تقديمها لبرنامج “كلام الناس” المُذاع على قناة “MBC مصر”، أن أي علاقة سوية المفروض يحصل فيها كده، وتابعت:” ولو الراجل موقفش جمب مراته المفروض مين اللي هيقف جمبها! .. بس للأسف احنا بقينا بننبهر بالحاجات العادية اللي من المفترض كلنا اتربينا عليها .. فلا داعي للانبهار”.
وعن تعليق إحدى البنات على هذا المقطع قالت ياسمين عز: “اللي ضايقني إن فيه بنت جابت صورة لـ عمرو يوسف وهو كان خاطب مي نور الشريف قبل ما يتجوز كندة علوش .. وقعدت تعمل مقارنة ملهاش أي لازمة ولا أي معنى بين مي وبين كندة”.
وتابعت: “هو حضرتك عارفة هما سابوا بعض ليه اساسا! طب فيه حد منهم طلع اتكلم عن سبب انفصالهم غير ان هي قسم ونصيب .. هما مش مجبورين يحكوا اسرارهم .. ولا احنا المفروض نتطفل بالمنظر ده”.
وقالت “والنبي ياجماعة مش عشان نظهر اننا ناس عميقة وعارفين بواطن الأمور، نعمل بوستات ونقول أي كلام وخلاص .. احنا كده ممكن نجرح قلب حد وعائلة كاملة”
