فاجأت النجمة أسما شريف منير جمهورها بقرار حذف صورها الجريئة، على مواقع التواصل الاجتماعي، مؤكدة أنها لابد أن تعترف بأخطائها وتقاوم شيطانها، داعية للجميع بالهداية، حيث كتبت :”مسحت الصورة اللي فاتت وقلت أنزل دي، بس عشان ساعات شيطاني بيغلبني زي باقي البشر”.
وتابعت:”ساعات بحس بالذات بعد ما خسيت أني عايزة ألبس لبس حلو وبناتي كده وأفرح أني بقى شكله حلو عليا بس الصح صح مش هقاوح، أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية، فهقاوم الإحساس ده وهركز مع نفسي وفي لبسي أكتر”.
وأضافت:”هحاول أنقي لبس يكون معتدل وحلو عشان أشجع نفسي والبنات اللي متابعني أنهم يلبسوا لبس حلو في نفس الوقت مش مفتوح، مش عيب أن الواحد يعترف بغلطه وطول الوقت يحاول أنه يبقى أحسن، وبشكر المتابعين اللي لفتوا نظري بطريقة ذوق”.
ودعت أسما بالهداية للجميع وهنأت متابعيها بعيد الأضحى قائلة: “كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم”، ولاقى منشورها، تفاعلا لدى متابعيها اللذين عبروا عن إعجابهم بصراحتها مع نفسها، وحرصها على الالتزام بمعايير محافظة، مشيدين بهذا القرار.
وكتب البعض معلقا لأسما: “ربنا يسعد قلبك و ايامك كلها و يفرحك و يفرحنا جميعا و كل سنة و انتى طيبه و بخير و سعادة يا رب يا قمر”، “انتي جميله وعلي خلق عاليه جدا بجد بجد شريف منير ربا انتي متفاهمه وجميله بحبك وبحب صراحتك جدا واعترافك باخطائك”.
تابع البعض متغزلا في أسما شريف منير: “بجد جمالك مش عادي.. جمالك الداخلي وروحك الصادقة االنقية دي هي أكتر حاجة بتميزك و بتخليكي أجمل ما إنتي جميلة.. بحبك من قلبي”.
يذكر أن الفنانة أسما شريف منير كانت قد هاجمت الشيخ الشعراوي في وقت سابق وقالت ” عقلي بيرفض أغلب تفسيراته وكلامه”، ورفضت فكرة الحجاب مطلقا قبل أن تتبدل أحوالها وتتحدث عن الهداية، مما دعا البعض إلى التكهن بإمكانية سيرها على درب الفنانة المعتزلة والمترددة دائما حلا شيحة.
