شكرت الفنانة رحمة حسن علي جمهورها على الاهتمام التي تلقته من متابعيها بعد تعرضها للعض من قبل كلب في الشارع وطمأنت جمهورها على حالتها الصحية، عبر حسابها الشخصي بموقع التواصل الاجتماعي “انستجرام”
وكتبت رحمة حسن في منشور لها: “مساء الخير، انا متشكره جدا لاهتمامكم ولكل الناس الي كلمتني تطمن عليه ، واسفه اني ماقدرتش ارد علي معظم الناس لاني كنت تعبانه ومش قادره اتكلم، انا رحت المستشفي النهارده وكشفت عند جراح متخصص وهو غير علي الجرح وعمل الازم والحمد لله طمني، وقالي اتابع معاه الفتره الجايه واني هاكون كويسه انشاء الله والجرح هاياخد وقته وهايخف” .
وتابعت: “وبالنسبه للكلب فاحنا اتكلمنا مع صاحبته وطلبنا منها توديه مركز تاهيل وتدريب علشان تعدل سلوكه ، وتبعت لنا الورق الرسمي الي بيثبت انها ودت الكلب فعلا ، والا هاعمل محضر .. وساعتها الكلب الي هايتضر ، ودي حاجه ماترضيش حد . وهي كانت متفاهمه جدا و وافقت وقالت انها هاتعمل كدا اول الشهر الجاي ، علشان اخوها الي هايوديه ويتولي مسئوليته، الحمد لله انا كويسه و الكلب كويس، واتمني ان صاحبه الكلب تصدق في كلمتها وتودي الكلب فعلا مركز تعليم ويبقي كويس”.
View this post on Instagram
